ভাৰতীয়সকল ক’তো নিজৰ ক্ষমতা দেখুৱাবলৈ পিছ পৰি নাথাকে। ব্ৰিটেইনত এগৰাকী ভাৰতীয় মহিলাই সম্বলপুৰী শাৰী পিন্ধি মানচেষ্টাৰত ৪২.৫ কিলোমিটাৰ মাৰাথন দৌৰত অংশ লৈছিল। দৌৰৰ ছবিবোৰ যেতিয়া চৰ্চালৈ আহিল, তেতিয়া মানুহে চকু থৰ কৰি ৰল। ৰঙা শাৰী আৰু কমলা ৰঙৰ স্নিকাৰ পৰিধান কৰি মধুস্মিতা জেনা দাসে ৪ ঘন্টা ৫০ মিনিট সময় মাৰাথন দৌৰত দৌৰিছিল। এই সন্দৰ্ভত ছ’চিয়েল মিডিয়াত মানুহৰ প্ৰতিক্ৰিয়া চোৱাৰ যোগ্য।
তাৎপৰ্যপূৰ্ণভাৱে ‘ফ্ৰেণ্ডছ অৱ ইণ্ডিয়া ছ’চাইটি ইনটল ইউ কে’ৰ অফিচিয়েল টুইটাৰ একাউণ্টতো এই মাৰাথনৰ ভিডিঅ’ শ্বেয়াৰ কৰা হৈছে। এই ভিডিঅ’টোত তেওঁক শাৰী পিন্ধি আৰামত দৌৰি থকা দেখা গৈছে। ভিডিঅ’টোত লিখা আছে, ‘ব্ৰিটেইনৰ মানচেষ্টাৰত বাস কৰা ভাৰতীয় মহিলা মধুস্মিতা জেনাই ২০২৩ চনৰ মাৰাথনত নিজৰ ভাৰতীয় ঐতিহ্যক গৌৰৱেৰে প্ৰদৰ্শন কৰি এখন সুন্দৰ সম্বলপুৰী শাৰী পিন্ধি আৰামত দৌৰিছে। তেওঁ নিজৰ ভাৰতীয় ঐতিহ্যৰ প্ৰদৰ্শন কৰে আৰু সাজ-পোছাকৰ ক্ষেত্ৰতো এডজি পন্থা আনে।’
উল্লেখ্য যে মধুস্মিতাই বিশ্বজুৰি বহুতো মাৰাথন আৰু আল্ট্ৰা মাৰাথন দৌৰত অংশ লৈছে। এতিয়া তেওঁ শাৰী পিন্ধি দৌৰি ব্ৰিটেইনত ভাৰতীয় সম্প্ৰদায়ক গৌৰৱান্বিত কৰিছে। তেওঁৰ অনন্য শৈলীৰ বাবে সকলোৱে প্ৰশংসা কৰিছে।