ৰাজ্যত বৃদ্ধি পাইছে মানৱ সৰবৰাহৰ ঘটনা। চিৰাঙৰ পাছত এইবাৰ শিশু বিক্ৰীৰ ঘটনা পোহৰলৈ আহিছে কাৰ্বি আংলঙৰ পৰা।
পশ্চিম কাৰ্বি আংলঙৰ দয়াংমুখত সংঘটিত হৈছে শিশু বিক্রীৰ ঘটনা। দয়াংমুখৰ ৰাধানগৰ গাঁৱত ২ বছৰীয়া কন্যা সন্তানক বিক্রী কৰিছে পৰিয়ালৰ লোকে।
অভিযোগ অনুসৰি ১০ হাজাৰ টকাত শিশুটিক বিক্রী কৰিছে পাষাণ পিতৃ দিলীপ বিশ্বাসে। দ্বিতীয়টো ৪ মহীয়া সন্তানকো ৫০ হাজাৰ টকাত বিক্রীৰ চেষ্টা দিলীপৰ।
তাৰপাছতে ঘটনা সন্দৰ্ভত শিশুটিৰ মাতৃয়ে স্বামীৰ বিৰুদ্ধে অভিযোগ দিয়াত পোহৰলৈ আহে সকলো । ঘটনা সন্দৰ্ভত আৰক্ষী থানাত এজাহাৰ দাখিল দিলীপৰ পত্নীৰ। ঘটনা সন্দৰ্ভত আৰক্ষীৰ তদন্ত অব্যাহত।