বলীউডৰ সপোনৰ কন্যা হেমা মালিনী এসময়ত হিন্দী চিনেমাৰ জীৱন আছিল। ভাল ভাল অভিনেতাই তেওঁৰ সৈতে কাম কৰিবলৈ এবাৰ হলেও ইচ্ছা কৰিছিল। কিন্তু সেই সময়ছোৱাত এজন অভিনেতা আছিল যিয়ে হেমা মালিনীক এটা, দুটা নহয় বৰঞ্চ ২০ টা চৰ মাৰিছিল। এই অভিনেতাজন আন কোনো নহয় ৰামানন্দ সাগৰৰ ৰামায়ণত ৰাৱণৰ চৰিত্ৰত অভিনয় কৰা অৰবিন্দ ত্ৰিবেদী আছিল।
আচলতে ‘হুম তেৰে আছিক হায়’ ছবিখনৰ শ্বুটিং চলি আছিল য’ত হেমা মালিনীয়ে জীতেন্দ্ৰৰ সৈতে কাম কৰিছিল। এই ছবিখনত অৰবিন্দ ত্ৰিবেদীয়েও এটা সৰু চৰিত্ৰত অভিনয় কৰিছিল। চেটত আহি প্ৰথমতে হেমা মালিনীৰ দৰে অভিনেত্ৰীক সন্মুখত দেখি তেওঁ নাৰ্ভাছ হৈ পৰিছিল। কিন্তু পিছত হেমাৰ লগত এটা দৃশ্য কৰিব লগা হ’ল য’ত তেওঁ ড্ৰিম গাৰ্লক চৰ মাৰিব লগা আছিল।
কিন্তু হেমা মালিনীৰ দৰে ডাঙৰ অভিনেত্ৰী এগৰাকীক চৰ মৰাৰ কথা শুনি অৰবিন্দে বৰ নাৰ্ভাছ হৈ পৰিছিল আৰু এই দৃশ্যটো কৰিবলৈ ২০ বাৰ ৰিটেক লৈছিল।
হেমা মালিনীয়ে সাহস দিলেঃ
অৱশেষত হেমাই তেওঁৰ ওচৰলৈ গৈ তেওঁক ক’লে যে মই যে ছুপাৰষ্টাৰ সেই কথা পাহৰি আপোনাৰ দৃশ্যটো কৰক। ইয়াৰ পিছত তেওঁ নিজৰ দৃশ্যটো সম্পূৰ্ণ কৰিলে।
উল্লেখ্য যে অৰবিন্দ ত্ৰিবেদী এজন গুজৰাটী অভিনেতা যিয়ে ৰামানন্দ সাগৰৰ ৰামায়ণ ছবিতো ৰাৱণৰ চৰিত্ৰত অভিনয় কৰিছিল।