চাওঁতে চাওঁতে আহি পালেহি বাপতিসাহোন ৰঙালী বিহুতি | কেইটামান মুহুৰ্ত বাকী আছে হেপাহৰ বহাগ বিহুলে | ৰঙালীক আদৰিবলৈ ৰাজ্যৰ ইমূৰৰ পৰা সিমূৰলৈ চলিছে ব্যাপক প্ৰস্তুতি | ভিন্ন প্ৰান্তত এতিয়া ঢোল পেপা তালৰ মাতেৰে মূখৰিত হৈ পৰিছে | চেনেহৰ বিহুটিত এপাক নাচিবলৈ চলিছে কৰ্মশালা | পিছপৰি ৰোৱা নাই ওদালগুৰিৰ জীয়ৰী-বোৱাৰী | জিলাখনৰ পানেৰীৰ দেওঁলখোলাত কণ কণ মইনাৰ পৰা বোৱাৰীলৈকে সকলোৱে বিগত ২০ দিন ধৰি বিহু কৰ্মশালাৰ জৰিয়তে বিহুত এপাক নাচিবলৈ চলাইছে পূৰ্ণ প্ৰস্তুতি | মহিলা সকলেওঁ বিগত বহু বছৰৰ পৰাই জেং বিহু পৰিৱেশন কৰি অহা বুলি জানিবলৈ দিয়ে |
