চাহ আমাৰ সকলোৰে প্ৰিয়।বহুতেই তেওঁলোকৰ দিনটো হয়তো একাপ চাহ খায়েই আৰম্ভ কৰে।আপোনাৰো যদি ৰাতিপুৱা শুই উঠি চাহ খোৱাৰ অভ্যাস আছে, তেন্তে আজিৰে পৰাই এই অভ্যাস ত্যাগ কৰক।হয়, খালী পেটত চাহ খালে আপুনি গুৰুতৰ স্বাস্থ্য সমস্যাত ভুগিব পাৰে।খালী পেটত চাহ খোৱাৰ অপকাৰিতাৰ বিষয়ে আজি জানো আহক-
এচিডিটি
চাহত থকা কেফেইন আৰু টেনিনে পাকস্থলীত এচিডৰ পৰিমাণ বৃদ্ধি কৰিব পাৰে। যাৰ ফলত এচিডিটি আৰু গেছৰ সমস্যা হ’ব পাৰে।বিশেষকৈ যেতিয়া আপুনি খালী পেটত চাহ খায়, তেতিয়া এই সমস্যা আৰু অধিক গুৰুতৰ হৈ পৰে। দীঘলীয়া এচিডিটিৰ ফলত পাকস্থলীৰ আলচাৰ আৰু অন্যান্য গেষ্ট্ৰিকৰ সমস্যা হ’ব পাৰে।
দুৰ্বল পাচন তন্ত্ৰ
ৰাতিপুৱা খালী পেটত চাহ খালে পাচন তন্ত্ৰতো বেয়া প্ৰভাৱ পৰে। ই হজম শক্তি হ্ৰাস কৰে, যাৰ বাবে খাদ্য সঠিকভাৱে হজম নহয়।ইফালে, চাহত থকা কেফেইনে শৰীৰৰ পানীৰ পৰিমাণ হ্ৰাস কৰে, যাৰ ফলত ডিহাইড্ৰেচন হ’ব পাৰে।
ৰক্ত শৰ্কৰাৰ স্তৰৰ তাৰতম্য
খালী পেটত চাহ খালে ৰক্ত শৰ্কৰাৰ স্তৰ উঠা-নমা হ’ব পাৰে। যাৰ ফলত দুৰ্বলতা, খজুৱতি আৰু গোটেই দিনটো মনোযোগ দিয়াত সমস্যা হ’ব পাৰে। এই সমস্যাটো বিশেষকৈ সেই সকল লোকৰ ক্ষেত্ৰত হয়, যাৰ ইতিমধ্যে ডায়েবেটিচৰ সমস্যা আছে।
অকাল বয়স
যদি আপুনি প্ৰতিদিনে ৰাতিপুৱা খালী পেটত চাহ খায়, ই আপোনাৰ ছালত নেতিবাচক প্ৰভাৱ পেলাব পাৰে। কেফেইনৰ ফলত শৰীৰত পানীৰ পৰিমাণ হ্ৰাস হয়। যাৰ ফলত ছাল শুকাই যায় আৰু বয়স বৃদ্ধি হোৱাৰ লক্ষণ যেনে, ছাল ঢিলা হোৱা, কোঁচ খোৱা আদি দেখা দিবলৈ আৰম্ভ কৰে।
টোপনিৰ সমস্যা
ৰাতিপুৱা চাহৰ পিছতো বহুলোকে গোটেই দিনটো বাৰে বাৰে চাহ খায় । ই শৰীৰত কেফেইনৰ পৰিমাণ বৃদ্ধি কৰে, যি টোপনিকো প্ৰভাৱিত কৰে। সঘনাই কেফেইন গ্ৰহণ কৰিলে টোপনিৰ মানদণ্ড কম হ’ব পাৰে আৰু অনিদ্ৰাৰ দৰে সমস্যাও হ’ব পাৰে।
অন্ত্ৰত বেক্টেৰিয়াৰ ভাৰসাম্যহীনতা
খালী পাকস্থলীত চাহ খালে অন্ত্ৰত ভাল বেক্টেৰিয়াৰ ভাৰসাম্য নষ্ট হ’ব পাৰে, যিবোৰ শৰীৰৰ ৰোগ প্ৰতিৰোধ ক্ষমতাৰ বাবে প্ৰয়োজনীয়। ই ৰোগ প্ৰতিৰোধ প্ৰণালী দুৰ্বল কৰিব পাৰে আৰু আপুনি বিভিন্ন সংক্ৰমণৰ ভুক্তভোগী হ’ব পাৰে।
আজিৰে পৰাই গ্ৰহণ কৰক স্বাস্থ্যকৰ অভ্যাস
ৰাতিপুৱা সাৰ পোৱাৰ লগে লগে চাহ খোৱাৰ সলনি আপুনি কিছুমান স্বাস্থ্যকৰ অভ্যাস গ্ৰহণ কৰা উচিত। সেইসমূহ হৈছে-
১. কুহুমীয়া পানী: ৰাতিপুৱা খালী পেটত কুহুমীয়া পানী খালে পাচন তন্ত্ৰ পৰিস্কাৰ হয় আৰু বিপাক বৃদ্ধি হয়।
২. নেমু পানী: নেমু পানী সেৱনে শৰীৰৰ পৰা বিষাক্ত পদাৰ্থ আঁতৰ কৰাত সহায় কৰে।
৩. গ্ৰীণ টি: ৰাতিপুৱা গ্ৰীণ টি খোৱাটো এটা ভাল বিকল্প হ’ব পাৰে। ইয়াত এণ্টিঅক্সিডেণ্ট থাকে যি শৰীৰক সতেজতা প্ৰদান কৰে।
৪. নাৰিকলৰ পানী: নাৰিকলৰ পানী ইলেক্ট্ৰলাইটত সমৃদ্ধ। যিয়ে শৰীৰটোক হাইড্ৰেটেড ৰাখে।