বৃহস্পতিবাৰে পুৱাই মহানগৰীত ভূমিকম্প..

ৰাষ্ট্ৰীয় ভূমিকম্প বিজ্ঞান কেন্দ্ৰৰ তথ্য অনুসৰি বৃহস্পতিবাৰে পুৱা গুৱাহাটীত ৩.৫ ৰিখটাৰ প্ৰাৱল্যৰ এক ভূমিকম্প অনুভূত হয়। এনচিএছৰ পৰা পোৱা তথ্য অনুসৰি বৃহস্পতিবাৰে পুৱা ৫:৪২ বজাত অঞ্চলটোত কম্পন অনুভূত হয়। ভূমিকম্পৰ তীব্ৰতা অতি কম হোৱাৰ বাবে কোনো ক্ষয় ক্ষতি হোৱা নাই।

এনচিএছৰ ৰিপৰ্ট অনুসৰি, এই ভূমিকম্পটোৰ অধিকেন্দ্ৰ গুৱাহাটীৰ উত্তৰ-পূব দিশৰ পৰা ৬৩ কিলোমিটাৰ দূৰত্বত অৱস্থিত। ২৬.৬৩ অক্ষাংশ আৰু ৯২.০৮ দ্ৰাঘিমাংশত অৱস্থিত ৫ কিলোমিটাৰ গভীৰতাত এই কম্পন সংঘটিত হয়। উল্লেখ্য যে, এনে কম প্ৰাবল্যৰ ভূমিকম্প সাধাৰণ মানুহে অনুভৱ নকৰে।