আগন্তুক লোকসভা নিৰ্বাচনৰ বাবে ৰণকৌশল প্ৰস্তুত কৰি একপ্ৰকাৰ সাজু হৈছে বিজেপিৰ মহিলা মৰ্চা। মহিলাসকলক টাৰ্গেট কৰি এইবাৰ নতুন পৰিকল্পনা বিজেপিৰ মহিলা মৰ্চাৰ। টাৰ্গেট হ’ব ন-ভোটাৰ। ঘৰে ঘৰে যাব বিজেপিৰ মহিলা মৰ্চা। টাৰ্গেট হ’ব মহিলা ভোটাৰ। পিছে কেৱল ন-বোৱাৰীহে টাৰ্গেট নেকি বিজেপিৰ মহিলা মৰ্চাৰ (Assam BJP Mahila Morcha)? কি হ’ব ন-বোৱাৰী সন্মিলনত?
এই প্ৰসংগত বিজেপিৰ মহিলা মৰ্চাৰ ৰাজ্যিক সভানেত্ৰী আঙুৰলতা ডেকা (Angurlata Deka)ৰ মন্তব্য- “আগন্তুক লোকসভা নিৰ্বাচনৰ বাবে গ্ৰহণ কৰা হৈছে নতুন পৰিকল্পনা। মহিলাসকলক টাৰ্গেট কৰি ঘৰে ঘৰে যোৱা হ’ব। ন-বোৱাৰী মানে কেৱল নতুনকৈ বিবাহিত হোৱাসকল নহয়। কেৱল নামটো আৰ্কষণীয় কৰিবলৈ ন-বোৱাৰী দিয়া হৈছে। যিহেতু ৰাষ্ট্ৰীয় পৰ্যায়ত যুৱতী সন্মিলন অনুষ্ঠিত হ’ব, অসমত সেই একেই ধাৰণা ৰাখি নামটো কেৱল সলনি কৰি ন-বোৱাৰী কৰা হৈছে। যুৱতী, মহিলা, নৱবিবাহিত সকলোকে সামৰি লোৱা হ’ব।”