বঙাইগাঁও জিলাৰ লেংটিছিঙাৰ ৰাজীৱ গান্ধী মেমৰীয়াল কলেজৰ ৩১ সংখ্যক প্ৰতিষ্ঠা দিৱস বুধবাৰে দিনযোৰা বিভিন্ন কাৰ্যসূচীৰে উদযাপন কৰা হয়।
কাৰ্যসূচী অনুসৰি ৰাতিপুৱা ৭-৩০ বজাত সহকাৰী অধ্যাপক ড০ ফজৰ আলীৰ পৰিচালনাত ছাফাই কাম, ৮-০০ বজাত বৃক্ষৰোপণ কৰে সহযোগী অধ্যাপক বিল্লাল হুছেইনে।
পিছত প্ৰতিষ্ঠা দিৱসৰ মূল পতাকা উত্তোলন কৰে মহাবিদ্যালয়ৰ অধ্যক্ষ ড০ জহুৰুল ইছলামে। মহাবিদ্যালয়ৰ ৩১ বছৰ উপলক্ষে আন ৩০ জন আমন্ত্ৰিত অতিথিৰ দ্বাৰা ৩০ খন পতাকাও উত্তোলন কৰা হয়।
৯-৩০ বজাত বন্তি প্ৰজ্বলন আৰু শ্বহীদ তৰ্পণৰ শুভাৰম্ভ কৰে লেংটিছিঙা এছ বি আইৰ শাখা পৰিচালক অৰ্পণ দে, ১০ বজাত বৰ্ণাঢ্য সাংস্কৃতিক শোভাযাত্ৰাৰ শুভ উদ্বোধন কৰে লেংটিছিঙা উচ্চতৰ মাধ্যমিক বিদ্যালয়ৰ অধ্যক্ষা নিবেদিতা দাস, ১১ বজাৰ পৰা কলেজৰ অধ্যক্ষ ড০ জহুৰুল ইছলামৰ সভাপতিত্বত মুকলি সভা অনুষ্ঠিত হয়।
সভাত মুখ্য অতিথি হিচাপে উপস্থিত থাকে মহাবিদ্যালয়ৰ প্ৰতিষ্ঠাপক অধ্যক্ষ এম ছফিউৰ ৰহমান, বিশিষ্ট অতিথি হিচাপে উপস্থিত থাকে ক্ৰমে-হাব্ৰাঘাট কলেজৰ অধ্যক্ষ ড০ মন্টু দাস আৰু সহযোগী অধ্যাপক ইব্ৰাহিম আলী।
মহাবিদ্যালয়ৰ এই প্ৰতিষ্ঠা দিৱসত মহাবিদ্যালয় খনলৈ ভূমি প্ৰদান কৰা ভূমি দাতা সকলোক বিশেষ ভাৱে সম্বৰ্ধনা জনোৱা হয়।