কাণ মানৱ শৰীৰৰ এক অতি গুৰুত্বপূৰ্ণ অংশ, যদি ই সঠিকভাৱে কাম নকৰে তেনেহ’লে পৃথিৱীখন নিৰ্জন অনুভৱ হ’বলৈ ধৰিব। যেতিয়া কাণৰ সৈতে জড়িত কিছুমান সমস্যা আৰম্ভ হয় তেতিয়াহে ইয়াৰ গুৰুত্ব অনুভৱ হয়। কাণৰ সৈতে জড়িত বহুতো সমস্যা হয়, যেনে কাণ বন্ধ হোৱা, মল জমা হোৱা, শুনাত অসুবিধা পোৱা, কাণৰ আঘাত ইত্যাদি। ইয়াৰ বাহিৰেও, কাণৰ খজুৱতিৱে মানুহক বাৰুকৈয়ে অসুবিধাত পেলায়।
কাণত খজুৱতি হোৱাৰ এক মুখ্য কাৰণ হৈছে, চৰ্দি বা জ্বৰ হোৱাৰ ফলত, কাণত বেক্টেৰিয়াৰ আক্রমণ বা ভাইৰেল সংক্ৰমণ ইত্যাদি। এনে পৰিস্থিতিত, কাণৰ বিষ, কাণৰ পৰা পানী ওলাই অহা আৰু খজুৱতিৰ সমস্যাৰ সন্মুখীন হ’ব পাৰে। খজুৱতি অসহনীয় হোৱাৰ আগতে বিশেষজ্ঞৰ সৈতে যোগাযোগ কৰাটো অতিকৈ গুৰুত্বপূৰ্ণ।
কাণৰ খজুৱতিৰ পৰা পৰিত্ৰাণ পাবলৈ জলফাই তেল ব্যৱহাৰ কৰিব পাৰে। ৰাতি শুবলৈ যোৱাৰ আগতে, কাণত কেইটোপালমান জলফাই তেল দি পুৱা ভালদৰে চফা কৰি ল’ব, এনেদৰে শুকান কাণৰ সমস্যা দূৰ হোৱাৰ লগতে খজুৱতিৰ পৰা পৰিত্ৰাণ পাব পাৰি।
