এজনী নাবালিকাক অনুসৰণ কৰি ‘আজা, আজা’ বুলি গান গোৱা এজন অভিযুক্তক দোষী সাব্যস্ত কৰিলে মুম্বাইৰ আদালতে৷ উল্লেখ্য যে এই ঘটনাক যৌন আতিশয্য বুলি অভিহিত কৰিছে আদালতখনে৷ অৱশ্যে অভিযুক্ত যুৱকজনে নতুনকৈ কাৰাবাস খাটিব নালাগে৷ কাৰণ ইতিমধ্যে কেইবামাহো কাৰাবাস খাটিবলগীয়া হৈছে যুৱকজনে৷ মুম্বাইৰ নিম্ন আদালত এখনে ভাৰতীয় দণ্ডবিধিৰ ৩৫৪(ডি) আৰু পকছো আইনৰ অধীনত যুৱকজনক দোষী সাব্যস্ত কৰে৷
লক্ষণীয়ভাৱে ২০১৫ চনতে যুৱকজনে কিশোৰীজনীক টিউচনলৈ যোৱাৰ সময়ত এনেদৰে পথত আতিশয্য চলাইছিল৷ কিশোৰীজনীক ‘আজা আজা’ বুলি গান গোৱাৰ ছলেৰে অসৎ ইংগিত দিয়া বুলি যুৱকজনৰ বিৰুদ্ধে অভিযোগ অনা হৈছিল৷ এই গোচৰত দোষী সাব্যস্ত হৈছে যুৱকজন৷