চকু হৈছে মানৱ শৰীৰৰ এক মূল্যৱান অংশ যাৰ সহায়ত পৃথিৱীৰ সৌন্দৰ্য উপভোগ কৰিব পাৰি। সেইকাৰণে মানুহে নিজৰ চকুৰ ভাল যত্ন লোৱা উচিত। কিন্তু মানুহে প্ৰতিদিনে এনে কিছুমান ভুল জ্ঞাত বা অজ্ঞাতভাৱে কৰে, যাৰ ফলত চকু ক্ষতিগ্ৰস্ত হ’ব পাৰে। ইয়াৰ ফলত চকুৰ বিষ, মূৰৰ বিষ, চকু গধুৰ লগা, চকু শুকাই যোৱা আৰু দৃষ্টিশক্তি অস্পষ্ট হৈ পৰা দৰে সমস্যা হ’ব পাৰে।
~ চকুৰ দৃষ্টিশক্তি দুৰ্বল কৰা সাধাৰণ ভুলবোৰঃ
~ গৰম পানীৰে চকু ধোৱা
কিছুমান মানুহে গৰম পানীৰে চকু ধোৱে। এনে কৰাটো বিপদজনক হিচাপে প্ৰমাণিত হ’ব পাৰে। চকুৰ যত্ন ল’বলৈ সদায়ে ঠাণ্ডা পানীৰে ধুব লাগে।
~ বহু সময় চকু মেলি ৰখা
চকু টিপয়াই থকাটো অতি গুৰুত্বপূৰ্ণ। এনে কৰিলে চকুৰ চাপ আৰু গধুৰতা হ্ৰাস হয়। ই চকুক আৰাম দিয়ে, লগতে চকু শুকাই নাযায়। ইয়াৰ লগতে, চকুৰ লেতেৰা পদাৰ্থ ওলাই আহে।
~ চকুৰ ড্ৰপৰ অত্যাধিক ব্যৱহাৰ
চকুত জ্বলা-পোৰা বা বিষ হ’লে চকুত দিয়া ড্ৰপ অত্যাধিক ব্যৱহাৰ কৰা হয়, কিন্তু ইয়াৰ ফলত সমস্যা হ’ব পাৰে। চিকিৎসকৰ পৰামৰ্শ অনুসৰি চকুৰ ড্ৰপ ব্যৱহাৰ কৰিব লাগে।
~ চকুৰ বেল্ট পিন্ধা
কিছুমান মানুহে শুই থাকোঁতে চকুৰ বেল্ট পিন্ধে। কিন্তু শোৱাৰ সময়ত চকুত বেল্ট পিন্ধি শুলে চকুৰ ক্ষতি হ’ব পাৰে।
