হাতীগাঁৱত ভুৱা কল চেণ্টাৰ উৎখাত – ১৫ জনক আটক

বুধবাৰে নিশা হাতীগাঁও অঞ্চলত এটা ভুৱা আন্তঃৰাষ্ট্ৰীয় কল চেণ্টাৰ উৎখাত কৰা হৈছে।

চোৰাংচোৱাৰ তথ্যৰ ওপৰত ভিত্তি কৰি, মহানগৰ আৰক্ষীয়ে প্ৰযুক্তি বিক্ৰী কৰাৰ অজুহাতত আমেৰিকা যুক্তৰাজ্য, ব্ৰিটেইন আৰু ইউৰোপীয় নাগৰিকসকলক প্ৰতাৰিত কৰাৰ অভিযোগত ‘অ’এ বিজনেছ ছলিউচন’ নামৰ কল চেন্টাৰটোত অভিযান চলায়।

অৱশ্যে কোম্পানীটোৱে বিক্ৰী কৰা প্ৰযুক্তিবোৰ কি জানিব পৰা হোৱা নাই বুলি আৰক্ষীয়ে জানিবলৈ দিয়ে। আৰক্ষীয়ে চৌহদৰ পৰা কম্পিউটাৰ, হাৰ্ড ড্ৰাইভ আৰু অন্যান্য নথিপত্ৰ জব্দ কৰিছে। লগতে, এই বিষয় সন্দৰ্ভত প্ৰায় ১৫ জন লোকক গ্ৰেপ্তাৰ কৰা হৈছে।