24.3 C
Assam
Friday, September 30, 2022

Featured News

শিৱসাগৰত আৰক্ষীৰ জিম্মাত আচামিৰ মৃত্যু,উত্তপ্ত পৰিস্থিতি

শিৱসাগৰত আৰক্ষীৰ জিম্মাত আচামিৰ মৃত্যু, উত্তপ্ত পৰিস্থিতি।...

Appointment letters distributed in BTR

A total of 146 persons were appointed...

Young Indians Guwahati Chapter observes Climate Action Week

 Young Indians, the youth wing of the...

নগাঁৱৰ বঢ়মপুৰত ক্ৰিকেট অকাডেমীৰ আধাৰশিলা স্থাপন

Assamese Newsনগাঁৱৰ বঢ়মপুৰত ক্ৰিকেট অকাডেমীৰ আধাৰশিলা স্থাপন

অসম ক্ৰিকেট সন্থা আৰু আৰক্ষী সঞ্চালক প্ৰধানৰ মাজত বুজাবুজি চুক্তি সম্পন্ন

নিউজ ব্যুৰ’,নগাঁও,১৪আগষ্ট:–নগাঁও জিলাৰ বঢ়মপুৰ নৱম অসম আৰক্ষী বাহিনীৰ কাৰ্যালয়ৰ সমীপত তথা বাহিনীৰ ২৫ বিঘা মাটিত এখন ক্ৰিকেট অকাডেমী স্থাপনৰ বাবে অসম ক্ৰিকেট সংস্থা আৰু আৰক্ষী সঞ্চালক প্ৰধানৰ মাজত এক বুজাবুজি চুক্তি স্বাক্ষৰ হয়।অসম ক্ৰিকেট সংন্থাৰ বিষয়ববীয়া আৰু আৰক্ষী সঞ্চালক প্ৰধানৰ মাজত হোৱা এই বুজাবুজি চুক্তিত স্বাক্ষৰ হোৱাৰ পিছতে মধ্য অসম তথা বঢ়মপুৰবাসীৰ বাবে এক ইতিবাচক খবৰ হিছাপে বিবেচিত হৈছে। উল্লেখ্য যে কেইবাখনো চাহ বাগিছা থকা বঢ়মপুৰ সমষ্টিৰ লগতে কলিয়াবৰ আৰু চামগুৰি সমষ্টিত খেলৰ বহু প্ৰতিভা উপযুক্ত পৰিবেশৰ অভাৱত কলিতে মৰহি গৈছে ।

বঢ়মপুৰ সমষ্টিৰ অধীনৰ বঢ়মপুৰ গাঁও পঞ্চায়তৰ আদৰ্শ গাঁৱত নিৰ্মাণ হ’ব লগীয়া ক্ৰিকেট অকাডেমীয়ে নগাঁও জিলালৈ এক ইতিবাচক খবৰ কঢ়িয়াই আনিছে । ৰবিবাৰে এই ক্ৰিকেট অকাডেমীৰ আধাৰশিলা স্থাপন কৰিবলৈ আহি অসম আৰক্ষীৰ সঞ্চালক প্ৰধান ভাস্কৰ জ্যোতি মহন্তই কয় যে বঢ়মপুৰ অঞ্চলটোৰ এক ইতিহাস আছে । এই ইতিহাস প্ৰসিদ্ধ বঢ়মপুৰত স্থাপন হ’ব লগীয়া ক্ৰিকেট অকাডেমীখনে অসম আৰক্ষীৰ জোৱান সকলক ক্ৰিকেট খেলৰ দিশত আগুৱাই লৈ যাব । ভাষণ প্ৰসংগত মহন্তই আৰু কয় যে ঐতিহ্যময়,সংস্কৃতিময়,
মেটমৰা সম্ভাৰেৰে আবৃত্ত এই অঞ্চলটোত এটা অতি উৎকৃষ্ট অনুষ্ঠান হ’বলৈ গৈ আছে । এই অনুষ্ঠানটো স্থাপনত অসম পুলিচ জড়িত হ’বলৈ পাই আমি গৌৰৱবোধ কৰিছো বুলি উল্লেখ কৰি আৰক্ষী সঞ্চালক প্ৰধান গৰাকীয়ে আৰু কয় যে ক্ৰিকেট অকাডেমী স্থাপন হ’বলগা নৱম অসম আৰক্ষী বাহিনীৰ এই মাটিখিনি পৰিত্যাক্ত অৱস্থাত আছিল। এই মাটিখিনি বিভিন্ন সময়ত বহু লোকে দখল কৰাৰ চেষ্টা কৰিছিল আৰু বেনাৰ পোষ্টাৰ লগাইছিল। আজি এই মাটিখিনি ক্ৰিকেট অকাডেমী স্থাপনৰ বাবে অসম ক্ৰিকেট সন্থাই দায়িত্ব লোৱাত অসমৰ ক্ৰীড়াৰ ক্ষেত্ৰলৈ এক সুদুৰ প্ৰসাৰী বাৰ্তা কঢ়িয়াই আনিব। অকল ক্ৰিকেটৰ ক্ষেত্ৰতেই নহয় এই স্থানত প্ৰয়োজন সাপেক্ষে বিদ্যালয় আৰু চুইমিং পুল স্থাপন হ’ব। এই ক্ৰিকেট অকাডেমিখন স্থাপন হ’লে আমাৰ ভিতৰুৱা অঞ্চলৰ ল’ৰা- ছোৱালী সৰ্বভাৰতীয় পৰ্যায়ত জিলিকি উঠিবলৈ সক্ষম হ’ব বুলি কৈ সঞ্চালক প্ৰধান গৰাকীয়ে স্বাধীনতাৰ অমৃত মহোৎসৱত সকলোৰে ঘৰত জাতীয় পতাকা উত্তোলন কৰিবলৈ আহ্বান জনায়। ক্ৰিকেট অকাডেমীৰ আধাৰশিলা অনুষ্ঠানত অসম ক্ৰিকেট সন্থাৰ সভাপতি ৰমেন দত্ত,সম্পাদক দেৱজিৎ লন শইকীয়া,আই জি পি নিতুল গগৈ,নগাঁও জিলা আৰক্ষী অধীক্ষক লীনা দলে,বঢ়মপুৰ নৱম অসম আৰক্ষী বাহিনীৰ অধিনায়ক বিবেকানন্দ দাস,নগাঁও জিলা ক্ৰীড়া সন্থাৰ অসীম ভাৱালকে ধৰি কেইবাজনো বিষয়ববীয়া উপস্থিত থকাৰ লগতে অসম ক্ৰিকেট সন্থাৰ বিষয়ববীয়া স্থানীয় ৰাইজ উপস্থিত থাকে। উল্লেখ্য যে বঢ়মপুৰ সমষ্টিৰ বিধায়ক জিতু গোস্বামীৰ বিশেষ তৎপৰতাত বঢ়মপুৰত স্থাপন হ’ব লগীয়া এই ক্ৰিকেট অকাডেমীৰ আধাৰশিলা স্থাপন অনুষ্ঠানত আৰক্ষী সঞ্চালক প্ৰধান ভাস্কৰ জ্যোতি মহন্ত আৰু অসম ক্ৰিকেট সন্থাৰ বিষয়ববীয়া উপস্থিত থকা সভাত বিধায়ক জিতু গোস্বামী উপস্থিত থাকি এই ক্ৰিকেট অকাডেমী বঢ়মপুৰত স্থাপন হোৱাৰ বাবে বঢ়মপুৰ সমষ্টিত ক্ৰীড়াৰ ক্ষেত্ৰত এই গুৰুত্বপূৰ্ণ ভূমিকা পালন কৰিব বুলি মন্তব্য কৰাৰ লগতে এই ক্ষেত্ৰত অসম আৰক্ষীৰ সঞ্চালক প্ৰধান আৰু অসম ক্ৰিকেট সন্থাই লোৱা তৎপৰতাক ধন্যবাদ জ্ঞাপন কৰে । ঋতু পৰ্ণ শৰ্মা,নগাঁও

Check out our other content

Check out other tags:

Most Popular Articles

error: Content is protected !!
%d bloggers like this: