প্ৰতিমাহে ঠিক সময়ত মাহেকীয়া নোহোৱাৰ সমস্যাটো অতি অশান্তিকৰ। হৰমোনৰ সমস্যা, ওজন কম–বেছি হোৱাৰ টনা–টনি বা শুই বহি জীৱন কটোৱাৰ কাৰণে আজিকালিৰ মহিলাসকলৰ মাজত প্ৰধানকৈ এই সমস্যা দেখা দিছে। পিৰিয়ড অনিয়মিত হ’লে শকত হোৱাৰ প্ৰৱণতাও বাঢ়ে। মুখমণ্ডল তথা সমগ্ৰ শৰীৰত অবাঞ্চিত চুলি গজা, মন–মেজাজ খিংখিঙীয়া হৈ থকা দেখা যায়। অনিয়মিত ঋতুস্রাৱৰ ক্ষেত্রত চিকিৎসকসকলে ঔষধতকৈ অধিক গুৰুত্ব দিছে স্বাস্থ্যসন্মত জীৱন যাপন কৰাত। বিশেষ গুৰুত্ব দিয়া হয় খাদ্যাভ্যাসৰ ওপৰত। কিছু চুপাৰফুড আছে যিসমূহ নিয়মীয়াকৈ খালে পিৰিয়ড নিয়মীয়াকৈ হোৱাটো কৰিব পৰাৰ সম্ভাৱনা থাকে।
- এক পলকত চোৱা যাওক তেনে কিছু চুপাৰফুডৰ তালিকা। আদা- পুৱা সাৰ পাইয়ে মৌৰ সৈতে কেঁচা আদা খালে হৰমোনৰ ভাৰসাম্য ৰক্ষা পৰে। পিৰিয়ড নিয়মিয়াকৈ ৰখাৰ ক্ষেত্ৰত আদাৰ বিকল্প নাই। লগতে পিৰিয়ড হোৱাৰ সময়ত অতিৰিক্ত ৰক্তপাত হ’বলৈ নিদিয়ে আদাই। চাহ তথা অন্যান্য পানীয়ত আদাৰ ৰস মিহলাই খালেও কাম সিজে।
- ভিটামিন চি সমৃদ্ধ ফল- প্রচুৰ পৰিমাণে ভিটামিন চি সমৃদ্ধ ফল খালে পিৰিয়ড নিয়মিত হয়। এক মাহ নিয়মিয়াকৈ অমিতা খালে হাতে হাতে ভাল ফল পাবই। ইয়াৰ বাহিৰে আম আম, কমলা, যিকোনো নেমু, কিৱি, আনাৰসত প্রচুৰ পৰিমাণে এচকৰবিক এচিড (ভিটামিন চি) থাকে।
- হালধী- হালধী খালে জৰায়ুত ৰক্ত সঞ্চালন বাঢ়ে। এণ্টিচেপটিক হিচাপে কাম কৰে। প্ৰতি দিনে পুৱা গাখীৰৰ সৈতে কেঁচা হালধী মিহলাই খালে পিৰিয়ড নিয়মিত হয়।
- গুড়-চেনীৰ সলনি যদি গুড় ব্যৱহাৰ কৰা হয় তেনেহ’লে সেয়া স্বাস্থ্যসন্মত। শীতকালত শৰীৰ গৰম কৰাৰ কাৰণে গুড় খাবলৈ কয় চিকিৎসকে। পিৰিয়ডৰ সময়ত পেটৰ বিষ কমোৱাৰ ক্ষেত্ৰতো গুড় খুব উপকাৰী।
- বিট-বিটত আইৰন, কেলচিয়াম তথা ফলিক এচিড থাকে। এই পাচলি নিয়মীয়াকৈ খালে পিৰিয়ড হোৱাত সহায় কৰে। কফি-কেফেইনে ইষ্ট্ৰোজেনৰ মাত্ৰা বৃদ্ধি কৰে। তলপেটৰ ৰক্ত সঞ্চালন বৃদ্ধি কৰে। ইয়াৰ ফলত পিৰিয়ড নিয়মীয়া হোৱাৰ সম্ভাৱনা বাঢ়ি যায়। লগতে পিৰিয়ড হোৱাৰ সময়ত ক্ৰেম্প বা বিষ দূৰ কৰাৰ ক্ষেত্ৰতো সহায় কৰে।
- জনি-এক গিলাচ পানীত এক চামুচ গুড়, এক চামুচ জনিৰ সৈত দৈনিক পুৱা পান কৰিলে নিয়মিত পিৰিয়ড হ’ব।
- এলোভেৰা ৰস-এলোভেৰা ৰসৰ সৈতে মৌ মিহলাই এক জুচ প্ৰস্তুত কৰি পিৰিয়ডৰ বিষৰ সময়ত পান কৰক। দিনত কেইবাবাৰো এনেকৈ পান কৰক। বিষ বহুতখিনি নোহোৱা হ’ব। লগতে প্ৰচুৰ পৰিমাণৰ পানী খাই দেহৰ আদ্ৰতা ৰক্ষা কৰক। শৰীৰৰ উপকাৰ হ’ব।