স্বাস্থ্যৰ বাবে কণী অত্যন্ত উপকাৰী যদিও কেতিয়াবা কণীৰ সৈতে আন কেইটামান খাদ্য গ্ৰহণ কৰিলে স্বাস্থ্যৰ বাবে ভয়ংকৰ বিপদৰ কাৰণ হৈ উঠিব পাৰে৷ কৰ’নাকালীন সময়ছোৱাত পুষ্টিদায়ক খাদ্যৰ তালিকাত কণী প্ৰায় সকলোৰে বাবে অন্তৰ্ভুক্ত হোৱাৰ ফলত কণীৰ চাহিদা বৃদ্ধি পায়৷ শৰীৰত প্ৰ’টিনৰ বাবে পুৱাৰ আহাৰৰ সৈতে এটাকৈ কণী খোৱাটো বহু লোকৰে অভ্যাস৷ কিন্তু কণীৰ সৈতে কেইটিমান খাদ্য গ্ৰহণ কৰোতে সদায় সাৱধান হোৱা প্ৰয়োজন৷ কণীৰ সৈতে এনে ধৰণৰ কেইটামান বস্তু গ্ৰহণ কৰিলে স্বাস্থ্যৰ দ্ৰুত অৱনতি ঘটি মৃত্যু পৰ্যন্ত হ’ব পাৰে৷
১/ সিজোৱা কণী স্বাস্থ্যৰ বাবে খুবেই উপকাৰী৷ বিশেষজ্ঞসকলৰ মতেও প্ৰতিদিনে এটাকৈ কণী খালে স্বাস্থ্যৰ বাবে উত্তম৷ কিন্তু সিজোৱা কণী খোৱাৰ পাছতে কেতিয়াও দৈ নাখাব৷ দৈ আৰু সিজোৱা কণী একেলগে খালে হজম কৰাত ব্যাঘাত হয়৷ দৈয়ে শৰীৰ ঠাণ্ডা কৰি ৰাখে৷ আনহাতে কণীয়ে শৰীৰ গৰম কৰি ৰাখে৷ সেইবাবে দৈ আৰু কণী একেলগে খোৱাটো শৰীৰৰ বাবে ভয়ংকৰ ক্ষতিকাৰক৷
২/ অনেকেই চালাডৰ সৈতে কণী মিহলাই খায়৷ তদুপৰি সেই চালাডাৰ ওপৰত নেমু ৰস চেপি দিয়ে৷ এয়াও শৰীৰৰ বাবে মাৰাত্মকভাৱে ক্ষতিকাৰক৷ কেতিয়াও কণীৰ সৈতে নেমু নাখাব৷ নেমুৰ সৈতে কণী একেলগে খালে ৰক্তনলী ক্ষতিগ্ৰস্ত হোৱাৰ উপৰি হাৰ্টএটেক পৰ্যন্ত হ’ব পাৰে৷
৩/ একেদৰে পাওৰুটি কণী আৰু কল একেলগে খোৱা একেবাৰে উচিত নহয়৷ যদিও কল, কণী-পাওৰুটি আদিক পুৱাৰ আহাৰ হিচাপে গণ্য কৰা হয় কিন্তু কলৰ সৈতে কণী কেতিয়াও একেলগে খাব নালাগে৷