নতুন দিল্লীত inspire group ৰ উদ্যোগত আয়োজিত দেশ বিদেশৰ প্রায় অৰ্ধশতাধিক মডেলৰ অংশগ্রহণৰে অনুষ্ঠিত ফেশ্বন শ্ব প্ৰতিযোগিতাত অসমৰ পৰা ৯ গৰাকী প্রতিযোগীয়ে অংশগ্রহণ কৰি তিনিটা শাখাত অংশগ্ৰহণ কৰিছিল। এই প্ৰতিযোগিতাত অংশগ্ৰহণ কৰি মঙ্গলদৈৰ দুগৰাকী শিশু মডেলেও সাফল্য লাভ কৰিবলৈ সক্ষম হয়। মঙলদৈ কৰিমচ’কৰ প্রিয়ম ৱাৰিছাই কিডছ winner খিতাপ অৰ্জন কৰিছে | উল্লেখযোগ্য যে প্রিয়ম ৱাৰিছাই নতুন দিল্লীৰ ওপৰিও কাজিৰঙা আৰু গুৱাহাটীত অনুষ্ঠিত ফেশ্বন শ্বতো সফলতাৰে নিজৰ যোগ্যতা প্রতিপন্ন কৰিবলৈ সক্ষম হৈছে |
ইপিনে মঙলদৈৰ চপাইৰ মেঘনা দত্তয়ো কিডচৰ ১ম ৰানাছ আপ দখল কৰিবলৈ সক্ষম হৈছে। মঙ্গলদৈ দুয়োগৰাকী শিশুৰ এই সাফল্যত মঙ্গলদৈ চহৰৰ লগতে দুয়োখন ঘৰতে এক উখল মাখল পৰিবেশৰ সৃষ্টি হৈছে।