আগন্তুক অম্বুবাচী মেলাৰ প্ৰস্তুতি সম্পৰ্কে পৰ্যালোচনা মন্ত্ৰী বিমল বৰাৰ

দুবছৰীয়া সুদীৰ্ঘ অপেক্ষাৰ অন্তত, পৱিত্ৰ অম্বুবাচী মেলা অহা ২২-২৬ জুন, ২০২২ পৰ্যন্ত নীলাচলৰ নৈসৰ্গিক প্ৰাকৃতিক সৌন্দৰ্যৰ মাজত কামাখ্যা ধামত অনুষ্ঠিত হ’ব। আজি গুৱাহাটীত পৰ্যটন বিভাগৰ জ্যেষ্ঠ বিষয়াসকলৰ সৈতে আগন্তুক অম্বুবাচী মেলাৰ প্ৰস্তুতিৰ সম্পৰ্কে পৰ্যালোচনা কৰে মন্ত্ৰী বিমল বৰাই ।

অনুষ্ঠানটো সৰ্বতোপ্ৰকাৰে সফল কৰিবলৈ প্ৰয়োজনীয় সকলো ব্যৱস্থা হাতত ল’বলৈ নিৰ্দেশ মন্ত্ৰী বিমল বৰাৰ ।তদুপৰি, অসমৰ সেউজীয়া চাহ বাগিচাবোৰত পৰ্যটনৰ অপৰিসীম সম্ভাৱনাৰ প্ৰতি দৃষ্টি ৰাখি সমগ্ৰ ৰাজ্যতে চাহ পৰ্যটনৰ প্ৰচাৰ-প্ৰসাৰৰ ওপৰত চিন্তা-চৰ্চা কৰা হয়।

উক্ত পৰ্যালোচনা সভাত অসম পৰ্যটন উন্নয়ন নিগমৰ পৰিচালন সঞ্চালক পদ্মপাণি বৰা, আয়ুক্ত সচিব ৰাণী কাথাৰ্পি, সচিব প্ৰভাতী থাওচেন, অসম পৰ্যটনৰ সঞ্চালক মধুমিতা ভাগৱতী আৰু অন্যান্য বিষয়ববীয়াসকল উপস্থিত থাকে ।