নাজিৰা মহকুমাৰ শিমলুগুৰি নগৰৰ দিখৌ নদীৰ পূজা ঘাটত বুধবাৰে বিয়লি এটি শিশুৰ সন্ধানহীন হোৱাৰ ঘটনাই নগৰ খনত শোকাকুল পৰিৱেশৰ সৃষ্টি কৰিছে। আৰক্ষী সূত্ৰে পোৱা তথ্য মতে – শিমলুগুৰি হাটীমূৰীয়া গাৱঁত ভাৰাতীয়া হিচাপে থকা প্ৰয়াত দীপক বড়াৰ পুত্ৰ বোলেন বড়াই (১১) নগৰৰ কাষতে থকা দিখৌ নদীৰ পূজা ঘাটত গা – ধুই থাকোঁতে ডুবিত ডুব যায়। স্থানীয় লোকে লগে লগে শিমলুগুৰি আৰক্ষীক খবৰ দিয়ে আৰু আৰক্ষীয়ে এছ ডি আৰ এফৰ সহযোগত নদীত উদ্বাৰ অভিযান চলাই যদিও আন্ধাৰ হোৱাৰ বাবে অভিযান স্থগিত ৰাখিবলগীয়া হয়।
আজি পুৱাই পোলেন বড়াৰ মৃতদেহ উদ্ধাৰ কৰা হয় ৷ উক্ত ঘটনাই শিমলুগুৰিত শোকৰ ছাঁ পেলাইছে ৷