শীতকাল আৰম্ভ হৈছে, ইয়াৰ লগতে মানুহৰ ৰোগ প্ৰতিৰোধ ক্ষমতা দ্ৰুতগতিত হ্ৰাস পাবলৈ ধৰিছে। ৰোগ প্ৰতিৰোধ ক্ষমতা হ্ৰাস হোৱাৰ ফলত, সংক্ৰামক ৰোগৰ আশংকা বৃদ্ধি পাবলৈ ধৰিছে। সেয়েহে, শৰীৰৰ ৰোগ প্ৰতিৰোধ ক্ষমতা বৃদ্ধি কৰিবলৈ কিছুমান বিশেষ খাদ্য খায় নিজকে সুস্থ কৰি ৰাখিব পাৰে। ইয়াৰ বাবে ভিটামিন চি সমৃদ্ধ কমলা টেঙা খাব পাৰে, যি শৰীৰৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে।
• কমলা খোৱাৰ লাভালাভঃ
~ কমলা শৰীৰৰ পাচন তন্ত্ৰৰ বাবে উপকাৰী। ই আঁহেৰে সমৃদ্ধ যি কোষ্ঠকাঠিন্যৰ পৰা সকাহ দিয়ে। কোষ্ঠকাঠিন্যৰ সমস্যাত ভুগি থকা লোকসকলৰ বাবে কমলা এটা ভাল বিকল্প। ই পেটৰ চৰ্বি হ্ৰাস কৰাতো কাৰ্যকৰী। ইয়াক খোৱাৰ ফলত শৰীৰৰ চৰ্বি দ্ৰুতগতিত হ্ৰাস হয়, কিয়নো ইয়াত পোৱা আঁহে পেটটো দীঘলীয়া সময়ৰ বাবে ভৰ্তি কৰি ৰাখে।
~ কমলাই হৃদৰোগৰ ওপৰত প্ৰভাৱ দেখুৱায় আৰু ষ্ট্ৰোকৰ আশংকা হ্ৰাস কৰে। ইয়াত থকা ফ্লেভোনইডবোৰে হৃদৰোগৰ বিৰুদ্ধে কাম কৰে। কমলাত কেলচিয়াম প্ৰচুৰ পৰিমাণে পোৱা যায়। ইয়াৰ ফলত, দাঁত আৰু হাড় স্বাস্থ্যৱান হয় আৰু শৰীৰত কেলচিয়ামৰ অভাৱ দূৰ হয়।
~ কমলা খালে ছালৰ বিভিন্ন সমস্যা আঁতৰ হয়। ই মুখৰ পৰা পিম্পল, ব্রণ আৰু দাগ আঁতৰ কৰাত সহায় কৰে। ইয়াৰ বাকলিৰ মাস্ক বনাই মাখনৰ দৰে মসৃণ আৰু উজ্জ্বল ছাল পাব পাৰি। ই বৃক্কত পাথৰ হোৱাৰ আশংকা হ্ৰাস কৰে। ই প্ৰস্ৰাৱত চাইট্ৰেটৰ স্তৰ বৃদ্ধি কৰে, যি পাথৰ হোৱাৰ আশংকা হ্ৰাস কৰে।
বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল’ব।
