fbpx
October 24, 2021

পুনৰ মুকলি হৈছে ঐতিহাসিক শিৱদৌলৰ দ্বাৰ

ক’ভিডে ধাৰণ কৰা ভয়াৱহ ৰূপৰ বাবে শেহতীয়াকৈ তিনিমাহ বন্ধ ৰখাৰ অন্তত পবিত্ৰ ভাদ মাহৰ পহিলা দিনটোৰ পৰা পুনৰ মুকলি কৰা হৈছে শিৱসাগৰৰ ঐতিহাসিক শিৱদৌলৰ দ্বাৰ ৷ ৰাজ্য চৰকাৰৰ নতুন ক’ভিড নিৰ্দেশনা আনুসৰি পবিত্ৰ ভাদ মাহৰ প্ৰথমটো দিন বুধবাৰৰ পৰা ভক্তৰ বাবে পুনৰ মুকলি কৰি দিয়া হৈছে ঐতিহাসিক শিৱদৌলৰ প্ৰৱেশ দ্বাৰ ৷ চৰকাৰী নিৰ্দেশনাৰ পাছতে বুধবাৰৰ পুৱা 7 বজাৰ পৰা ভক্তৰ বাবে মুকলি কৰি দিয়া হৈছে শিৱ দৌলৰ প্ৰৱেশ দ্বাৰ ৷

প্ৰায় তিনিমাহৰ অন্তত নিৰ্দিষ্ট ক’ভিড বিধিৰ মাজেৰে দৌলৰ প্ৰৱেশ দ্বাৰ মুকলি দিয়া দিনটোতে ঐতিহাসিক দৌলত দেখা গৈছে ভক্তৰ ব্যাপক সমাগম ৷ কিন্তু যি সকল লোকে ক’ভিড ভেকচিনৰ দুটা পালি লৈছে সেই সকলকহে শিৱ দৌলৰ চৌহদত প্ৰৱেশ কৰিবলৈ দিয়া হৈছে ৷ যাৰ বাবে একাংশ ভক্তপ্ৰাণ ৰাইজ বিফল মনে উভতিব লগীয়া হৈছে ৷ এইক্ষত্ৰত কঠোৰ হৈছে দৌল কৰ্তৃপক্ষ ৷ সকলোৰে সু-স্বাস্থ্য বৰ্তাই ৰখাৰ স্বাৰ্থতে এনেধৰণৰ সিদ্ধান্ত গ্ৰহণ কৰিছে দৌল কৰ্তৃপক্ষই ৷
ক’ভিড নীতিৰ মাজেৰে পুনৰ মুকলি হৈছে ঐতিহাসিক শিৱদৌলৰ দ্বাৰ

উল্লেখযোগ্য যে, ক’ভিড পৰিস্থিতি নিয়ন্ত্ৰণৰ অৰ্থে যোৱা 16 মে’ত কেন্দ্ৰীয় পুৰাতত্ত্ব বিভাগে শিৱ দৌলৰ প্ৰৱেশ দ্বাৰ বন্ধ কৰাৰ নিৰ্দেশ দিছিল ৷ ইয়াৰ সম্পূৰ্ণ তিনিমাহৰ পিছত, নিদিষ্ট ক’ভিড বিধিৰ মাজেৰে দৌলৰ দ্বাৰ খুলি দিয়া দিনটোতে বহু ভক্তৰ সমাগম হোৱাত সন্তোষ প্ৰকাশ কৰিছে দৌল কৰ্তৃপক্ষই ৷

মন কৰিবলগীয়া যে, চৰকাৰী নিৰ্দেশনা মানি শেহতীয়াকৈ হৈ যোৱা ব’লবমতো ভক্তপ্ৰাণ ৰাইজৰ বাবে বন্ধ ৰখা হৈছিল দৌলৰ প্ৰৱেশ দ্বাৰ ৷ এই সন্দৰ্ভত সংবাদমেলৰ আয়োজন কৰি ভক্তপ্ৰাণ ৰাইজক ঘৰতে সুৰক্ষিত হৈ থাকি নীতি -নিয়ম পালনৰ বাবে আহ্বান জনাইছিল দৌল কৰ্তৃপক্ষই ৷ শেহতীয়া ক’ভিড নীতিত ধৰ্মীয় অনুষ্ঠান সমূহ নিৰ্দিষ্ট নীতি-নিয়মৰ মাজেৰ খুলিবলৈ নিৰ্দেশ দিয়াৰ পাছতে বুধবাৰৰ দিনটোত ৰাজ্যৰ বিভিন্ন ধৰ্মীয় স্থান সমূহত দেখা গৈছে ভক্তৰ সমাগম ৷

error: Content is protected !!
%d bloggers like this: