বহুতো লোকক দেখা যায় দিনত ভাত খাই এঘুমতি মাৰে । এনেকি ২ বা ৩ঘন্টালৈ নাক বজাই টোপনি মাৰে । অৱশ্যে ৰাতি টোপনি ক্ষতি কৰা লোকৰ ক্ষেত্ৰত কিছু সুকীয়া ।
আন কিছুমান লোক আছে ব্যস্ততা বা আন কাৰনত দৌৰা দৌৰিকৈ পুৱা বা দুপৰীয়া আহাৰ খায়েই কামলৈ যোৱা বা আন কামত ব্যস্ত হৈ পৰে।
আনহাতে আজিকালি চহৰ নগৰ সকলোতে ৰাতি বহুতে টিভি চাই বা আন কামত ব্যস্ত থাকি বা কৰবাৰ পৰা দেৰিকৈ আহি ভাতসাজ খায়েই বিচনাত পৰা অভ্যাস দেখা যায় ।
আচলতে ওপৰত উল্লেখ কৰা আটাইবোৰ অভ্যাসেই কুঅভ্যাস । শাৰিৰীক আৰু মানসিক দিশত এনে অভ্যাসে যথেস্থ্য ক্ষতিকৰ ।ৰাতিপুৱা ,দুপৰীয়া নাইবা ৰাতি গধুৰ আহাৰ খাই কিছু জিৰনি লোৱা স্বাভাৱিক নিয়ম । কাৰন আমি যিকোনো আহাৰ খোৱাৰ পিচত পেটৰ বাওফালে জঠৰাগ্নিয়ে লগে লগেই হজম প্ৰক্ৰীয়া আৰম্ভ কৰে , এইখিনি সময়ত জিৰনী নললে হজমক্ৰীয়াত বিঘিনী ঘটে । অন্যহাতে জিৰনিৰ বাবে লগেলগে শুই পৰিলেও হজমক্ৰীয়াত বাধা হয় । খোৱাৰ পিচত হজমেই যদি নহয় বেমাৰ হোৱাতো স্বাভাবিক ।
সকলো সময়তে আমাৰ শৰীৰত বায়ু(বাত),
পিত্ত ,কফে ক্ৰীয়া কৰে ।তথাপি ৰাতিপুৱা বাতৰ প্ৰভাৱ, দুপৰীয়া পিত্ত আৰু সন্ধিয়াৰ পিচত কফৰ প্ৰভাৱ বেচি সক্ৰীয় হয় । সেয়ে জিৰনি নলৈ বদহজম হোৱাৰ ফলত আহাৰ খোৱাৰ সময়ানুসাৰে
বাত ,পিত্ত ,কফ আদিৰ পৰা হব পৰা ৰোগ আদিৰ প্ৰভাৱ আৰু সম্ভাৱনা বেচি হয় ।
উদাহৰন স্বৰুপে বহুত লোকে দুপৰিয়াৰ আহাৰ খাই সঠিক জিৰনি বা খাই উঠিয়ে বিচনাত পৰা স্বভাবৰ বাবে পিত্তৰোগ আৰু পেটৰ নানা ৰোগৰ প্ৰকোপ বেচিকৈ হয় । কাৰন এইখিনি সময়ত পিত্ত সক্ৰীয় হৈ থাকে । তেনেদৰে পুৱা বা ৰাতি বাযু বা কফজনীত ৰোগাদি বঢ়াৰ সম্ভাৱনা বেচি ।
খোৱা, জিৰনী লোৱা আৰু শোৱাৰ বিধি :
ৰাতিপুৱা বা দুপৰীয়া প্ৰধান আহাৰ খোৱাৰ সময়ত বা শেষত লগে লগে পানী বেচিকৈ নাখাই কিছু বহিব বা লাহে লাহে লৰচৰ কৰিব (১০মি) । তাৰ পিচত বাওফালে কাতি হৈ ২০ মিনিত বাগৰ দিব ।
সুবিধা নাপালে বজ্ৰাসন কৰি ২০ মি:বহিব । (বজ্ৰাসন কাৰোবাৰ পৰা শিকি লব) খাই উঠাৰ পৰা এক ঘন্টা পিচত পানী খাব । এনে কৰিলে বাত আৰু পিত্তজনীত ৰোগে ক্ৰীয়া কৰিব নোৱাৰে।
ৰাতিৰ আহাৰ সন্ধিয়াতে বা সোনকালে খোৱা বিধেয় । খাই থাকোতে বা খোৱাৰ অন্তত পানী বৰকৈ নেখাই ১ঘন্টা পিচতহে খাব । খাই উঠি১০/১৫ মি : লাহে লাহে খোজ কাঢ়িব তাৰ পিচত বজ্ৰাসনত বহিব বা কোনো ধৰ্মীয় আলাপ, সংগীত বা কিতাপ পঢ়িব পাৰে ।
মনত ৰাখিব ৰাতিৰ আহাৰ খোৱাৰ দুই ঘন্টা পিচতহে শুব লাগে । সেয়ে বিভিন্ন দেশত সন্ধিয়াতে আহাৰ খোৱাৰ নিয়ম । আমাৰ দেশত এই নিয়ম নগন্য সংখ্যক লোকৰহে আছে । সেয়ে হবলা অসম বা ভাৰতত ৰোগৰ প্ৰকোপ বহুত বেচি।
দিনৰ আহাৰৰ পিচত দৈ ,নেমু বা ৰসাল ফল খোৱা নাইবা ফলৰ জুচ খোৱা হিতকাৰী ।
ৰাতি শোৱাৰ আগতে এৱা গাখীৰ খোৱা ভাল।
ৰাতি দৈ খোৱা বিষতুল্য
পুনৰ কওদিনত জিৰনি লওতে আৰু ৰাতি শোৱতে সদায় বাওফালে কাতি হৈ শুব ।
লেখক: যতীন দাস