অসমৰ ৰাইজে এতিয়া আলফা স্বাধীনৰ প্ৰয়োজনীয়তা উপলব্ধি কৰিছে । সেয়ে বহু নৱপ্ৰজন্ম আলফালৈ ধাৱমান হৈছে । শেহতীয়াকৈ পৰেশ বৰুৱাৰ ভতিজাককে ধৰি এগৰাকী চফটৱেৰ ইঞ্জিনিয়াৰ আৰু বহু মেধাৱী ছাত্ৰ-ছাত্ৰীয়ে আলফাত যোগদান কৰিছে । এই কথা পৰেশ বৰুৱাৰ সৈতে হোৱা টেলিফোনিক বাৰ্তালাপৰ পিছত মই নিশ্চিত হৈছোঁ । এই মন্তব্য আলফাৰ সাধাৰণ সম্পাদক অনুপ চেতিয়াৰ । নগাঁৱৰ সংবাদ মাধ্যমৰ আগত এই বিস্ফোৰক মন্তব্য প্ৰদান কৰে আলফাৰ সাধাৰণ সম্পাদক গৰাকীয়ে । লগতে তেওঁ কয় যে , চৰকাৰৰ ভুল নীতিৰ বাবেই আৰু নাগৰিকত্ব সংশোধনী বিধেয়ক গৃহীত কৰিবলৈ যো-জা চলোৱাৰ বাবেই এনেদৰে আলফাৰ প্ৰতি বিভিন্নজন আকৰ্ষিত হৈছে । ইফালে ৰেৱতী ফুকনে আলফাত যোগদান কৰাটো এক দুষ্ট চক্ৰৰ অপপ্ৰচাৰ বুলি অভিহিত কৰে অনুপ চেতিয়াই ।
