১২ জুলাইৰ পৰা অনুষ্ঠিত হ’ব লগা অসম বিধানসভাৰ বাজেট অধিৱেশনলৈ লক্ষ্য ৰাখি আজি অধ্যক্ষ বিশ্বজিৎ দৈমাৰীয়ে জ্যেষ্ঠ সাংবাদিক প্রাণজিৎ শইকীয়াক অধ্যক্ষ হিচাপে লৈ এখন ১৩জনীয়া মিডিয়া এডভাইজৰী কমিটী গঠন কৰি দিছে৷ উপাধ্যক্ষ হিচাপে আছে জ্যেষ্ঠ সাংবাদিক মনোজ কুমাৰ নাথ৷ কমিটীৰ সচিব হিচাপে আছে হৰেন বুঢ়াগোহাঁই আৰু যুটীয়া সচিবৰূপে আছে আফ্রিদা হুছেইন৷ কমিটীৰ সদস্যসকল হ’ল অনমিত্র গগৈ, পৰম প্রকাশ গগৈ, জিতেন্দ্র কুমাৰ চৌধুৰী, ধ্রুৱ গোহাঁই, মুন গোস্বামী, সাম্য ভৰদ্বাজ, জোনজ্যোতি দত্ত বৰা, পার্থদেৱ গোস্বামী আৰু ৰাজেন বসুমতাৰী৷ এই কমিটীখনে বিধানসভাৰ অধিৱেশন চলি থকা সময়ত সাংবাদিকৰ প্রৱেশ আৰু অন্যান্য দিশসমূহ পর্যালোচনা কৰিব৷
