নিউজ ব্যুৰ’,নগাঁও,৯জুলাই:–নতুন প্ৰজন্মৰ মাজত সত্ৰ সংস্কৃতিৰ প্ৰচাৰ-প্ৰসাৰ আৰু অনুশীলন অব্যাহত ৰখাৰ প্ৰয়াস হিচাপে নগাঁও জিলাৰ বটদ্ৰৱা প্ৰেছ ক্লাৱৰ উদ্যোগত অহা ১০ জুলাইৰ পৰা ২৪ জুলাইলৈ সত্ৰীয়া নৃত্য,বৰগীত আৰু খোলবাদনৰ এখনি কৰ্মশালাৰ আয়োজন কৰা হৈছে ।
গুৰুজনাৰ জন্মস্থানৰ বটদ্ৰৱাৰ ঐতিহাসিক শ্ৰীমন্ত শংকৰদেৱ গৱেষণা প্ৰতিষ্ঠানত আয়োজিত কৰ্মশালাখনি পৰিচালনা কৰিব সাংস্কৃতিক কৰ্মী ইন্দ্ৰ মোহন বৰুৱাই । কৰ্মশালাত অংশগ্ৰহণ কৰিব বিচৰা ইচ্ছুক প্ৰশিক্ষাৰ্থীসকলক তত্ত্বাৱধায়কত্ৰয় সাংবাদিক জগন্নাথ কলিতা (৯১০১৩৪৪১৭২),শিল্পী তৃতিষা ভৰালী (৯৮৫৪৫৫৭১৪৮) আৰু শিল্পী অৰ্পণা কলিতা (৯৭০৭৩৫৮৩৫৯)ৰ লগত আগতীয়াকৈ যোগাযোগ কৰিবলৈ আয়োজকসকলে অনুৰোধ জনাইছে । কৰ্মশালাখনিত সত্ৰীয়া নৃত্যৰ প্ৰশিক্ষক ৰূপে মাজুলীৰ উত্তৰ কমলাবাৰীৰ লক্ষ্যজিৎ শইকীয়া উপস্থিত থাকিব ।
ঋতু পৰ্ণ শৰ্মা,নগাঁও
