ভাৰতৰ বেছিভাগ মানুহেই চিংৰাৰ সোৱাদৰ সৈতে পৰিচিত। চিংৰা ভাৰততে নহয় ইউৰোপীয় দেশসমূহতো মানুহৰ পছন্দৰ খাদ্য। এই ষ্ট্ৰীট ফুড ভাৰতৰ বেছিভাগ ঠাইত পোৱা যাব। দেশৰ চুবুৰীয়া দেশবোৰতো চিংৰা খাবলৈ মানুহে বৰ ভাল পায়। চিংৰা বহুতো পাৰ্টিৰ প্ৰিয় লঘু আহাৰ। চিঙৰাৰ ইমান অনুৰাগী থকা স্বত্বেও, এনে এখন দেশ আছে য’ত চিংৰা খোৱাটো নিষিদ্ধ কৰা হৈছে। বহুতো দেশত পছন্দ কৰা চিংৰা আফ্ৰিকাৰ দেশ চোমালিয়াত সম্পূৰ্ণৰূপে নিষিদ্ধ। যদি তাত কোনোবাই চিংৰা ক্ৰয় কৰা, খোৱা বা বনোৱা ধৰাত পৰে, তেন্তে তেনে লোকৰ বাবে কঠোৰ শাস্তিৰ ব্যৱস্থা আছে।
দৰাচলতে, সেই ঠাইৰ এটা উগ্ৰপন্থী সংগঠনে চিংৰাৰ ত্ৰিভুজাকাৰ আকৃতিৰ বাবে খোৱাটো নিষিদ্ধ কৰিছে। সংগঠনটোৱে কয় যে, চিংৰাৰ ত্ৰিভুজাকৃতি খ্ৰীষ্টান সম্প্ৰদায়ৰ প্ৰতীকৰ সৈতে যথেষ্ট পৰিমাণে সাদৃশ্যপূৰ্ণ। এই কাৰণে চোমালিয়াত চিংৰা খোৱাটে নিষিদ্ধ কৰিব লাগে। ইয়াৰ বিপৰীতে, আন কিছুমান প্ৰতিবেদনত উল্লেখ কৰা হৈছে যে, চিংৰাবোৰ পচা মাংসৰে তৈয়াৰ কৰা হয়, সেয়েহে তাত চিংৰা নিষিদ্ধ কৰা হৈছে।
