নিউজ ব্যুৰ’,নগাঁও,১৬মে’:–নগাঁও জিলাৰ জখলাবন্ধা আৰক্ষী থানাৰ অন্তৰ্গত সৰুভগীয়াৰ ৩৭ নং ৰাষ্ট্ৰীয় ঘাইপথত সোমবাৰে নিশা সংঘটিত এক ভয়ংকৰ পথ দুৰ্ঘটনাত SI জোনমণি ৰাভাৰ কৰুণভাৱে মৃত্যু হয় । প্ৰাপ্ত বাতৰি মতে জোনমণি ৰাভাই AS 01 EN 7273 নম্বৰৰ নিজৰ মাৰুতী কাৰখন চলাই নিশা উজনিৰ দিশে গৈ থকাৰ সময়তে নিয়ন্ত্ৰণ হেৰুৱাই বিপৰীত দিশৰ পৰা আহি থকা তীব্ৰবেগী UP 78 UT 4518 নম্বৰৰ কণ্টেইনাৰ ট্ৰাকত খুন্দা মাৰে । ফলত SI জোনমণি ৰাভাৰ দুৰ্ঘটনাস্থলীতে শেষ নিশ্বাস ত্যাগ কৰে । নিশা প্ৰায় ২ বজাত সংঘটিত হয় দুৰ্ঘটনাটোত জখলাবন্ধা আৰক্ষী আৰক্ষী উপস্থিত হৈ জখলাবন্ধা অসামৰিক চিকিৎসালয়লৈ লৈ যায় । ইপিনে পুঁৱতিনিশাই ঘটনাস্থলীত নগাঁও জিলা আৰক্ষী অধীক্ষক লীনা দলে উপস্থিত হৈ পৰিস্থিতিৰ বুজ লয় । ইতিমধ্যে জোনমণি ৰাভাৰ মৃতদেহ মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰা হৈছে । মৃত জোনমণি ৰাভা মৰিকলং আৰক্ষী চকীৰ ভাৰপ্ৰাপ্ত আৰক্ষী বিষয়া আছিল ।
ঋতু পৰ্ণ শৰ্মা,নগাঁও
