গড়গাঁৱৰ কাৰেং বিহু হুঁচৰি দলে ডিমৌৰ পালেঙীত বিহু প্ৰদৰ্শন কৰি ঘূৰি অহাৰ পথত আগচি ধৰি মাৰপিট উদণ্ড যুৱকৰ
ডিমৌৰ চিকিৎসালয়তো ভৰ্তি হ’ব লগা হয় বিহু হুঁচৰি দলটোৰ দুজন বিহুৱা আৰু এগৰাকী নাচনী।
বিহু হুঁচৰি দলটোৰ নাচনীকো প্ৰহাৰ কৰিলে উদণ্ড যুৱকে
ইতিমধ্যে গড়গাঁৱৰ কাৰেং বিহু হুঁচৰি দলটিয়ে দোষী তথা উদণ্ড যুৱক কেইজনক চিনাক্ত কৰি কাষ চাপিছে ডিমৌ আৰক্ষী থানাৰ।ডিমৌ আৰক্ষী থানাত গড়গাঁৱৰ কাৰেং বিহু হুঁচৰি দলটিয়ে দোষী তথা উদণ্ড যুৱক কেইজনৰ বিৰুদ্ধে দিছে এজাহাৰ।
গড়গাঁৱৰ কাৰেং বিহু হুঁচৰি দলটিয়ে ডিমৌৰ পালেঙীত বিহু প্ৰদৰ্শন কৰি আহি থকা অৱস্থাত উদণ্ড যুৱক কেইজনে দলটোলৈ পানী মৰাত কাৰেং বিহু হুঁচৰি দলৰ বিষয়ববীয়াই উদণ্ড যুৱক কেইগৰাকীক প্ৰশ্ন কৰাত এইদৰে সৃষ্টি হয় কাজিয়াৰ সূত্ৰপাত।
ধন দাবী কৰাৰ মানসেৰে এইদৰে উদণ্ড যুৱকে এনে দুষ্কাৰ্য কৰাৰ অভিযোগ গড়গাঁৱৰ কাৰেং বিহু হুঁচৰি দলটিৰ বিষয়ববীয়াৰ।
ডিমৌ আৰক্ষীয়ে কাৰেং বিহু হুঁচৰি দলক বাট আগচি ধৰা উদণ্ড যুৱক কেইগৰাকীৰ বিৰুদ্ধে কেনেধৰণৰ ব্যৱস্থা গ্ৰহণ কৰে সেইয়া সময়তহে হ’ব লক্ষণীয়।
নাজিৰাৰ পৰা ৰঞ্জিত সভাপণ্ডিত ৰিপ’ৰ্ট
