আজি পুৱা ৰঙিয়াৰ সমীপৰ ভাতকুচিত ৰেলগাড়ীৰ খুন্দাত নিহত হয় এজন লোক । নোনা নৈৰ পাৰত মৃতদেহটো উদ্ধাৰ কৰে ৰেল আৰক্ষীয়ে । লোক জনৰ পৰিচয় বৰ্তমানলৈ জানিব পৰা হোৱা নাই ।ৰেল আৰক্ষীয়ে জনোৱা মতে উজনিমুৱা আগৰতলা এক্সপ্ৰেছৰ খুন্দাত চিটিকি পৰি আঘাতপ্ৰাপ্ত হৈ মৃত্যু হয় লোক জনৰ । বগা – সেউজীয়া ৰঙৰ স্পৰ্টিং আৰু কলা ৰঙৰ হাফপেন্ট পৰিহিত লোক জনৰ বয়স 27 বছৰ বুলি অনুমান কৰা হৈছে । লোক জনক নলবাৰী চিকিৎসালয়ত মৰণোত্তৰ পৰীক্ষা কৰি ৰঙিয়া ৰেল ষ্টেচনৰ মৰ্গত 72 ঘণ্টাৰ বাবে ৰখা হব বুলি আৰক্ষীয়ে জানিব দিয়ে ।
