মহানগৰীত আলফাৰ নামত ধন দাবী কৰিবলৈ গৈ দিছপুৰ আৰক্ষীৰ জালত পৰিল তিনি ভুৱা আলফা ৷ ধৃত যুৱক কেইজন হ’ল বিকি থাপা, তপন তালুকদাৰ,গৌতম তালুকদাৰ ৷
উল্লেখ্য যে,আটকাধীন তিনি যুৱকে মহানগৰীৰ সাতগাঁওৰ বাঘৰবৰীৰ দেৱ প্ৰকাশ ভাগৱতী নামৰ লোক এজনক ৬ ছেপ্তেম্বৰৰ নিশা ৭.৫০ বজাত আলফাৰ নাম লৈ ফোনযোগে ধন দাবী কৰিছিল ৷
আনকি অতি কৌশলৰে অ’ডি বাহনৰ মূল্যৰ সমান বিচাৰিছিল তিনিওজনে। শনিবাৰৰ ভিতৰত অন্তত ৫ লাখ টকা দিবলৈ দাবী কৰিছিল।
উপযুপৰি পাই থকা ভাবুকিৰ পৰিপ্ৰেক্ষিতত ভাগৱতীয় নামৰ লোকজনে দিছপুৰ আৰক্ষীক অৱগত কৰে ৷
ইয়াৰ পাছতে দিছপুৰ আৰক্ষীয় ফোন কলৰ আঁত ধৰি গৌতম তালুকদাৰক আটক কৰি সুৰজ নগৰত অভিযান চলাই ৷ আৰক্ষীয়ে তালুকদাৰৰ স্বীকাৰোক্তি ভিত্তিত আন দুজনকো আটক কৰে ৷ইয়াৰ পূৰ্বে গৌতমৰ ঘৰত অভিযান চলাইছিল।
উল্লেখ্য যে,গ্ৰেপ্তাৰৰ পূৰ্বে গৌতমে জংঘললৈ নিক্ষেপ কৰিছিল নিজৰ ম’ বাইল ফোনটো ৷ আৰক্ষীয়ে সন্দেহ কৰা মতে,এই ম’বাইলটোৰ পৰাই ধন দাবী কৰা কৰি ফোন কৰা হৈছিল ৷
ইতিমধ্যে দিছপুৰ আৰক্ষীয়ে ধৃত যুৱক কেইজনক অধিক তথ্যৰ বাবে জেৰা অব্যাহত ৰাখিছে ৷
