ৰঙিয়া আৰক্ষীয়ে আজি এক অভিযান চলাই প্রায় 4 লক্ষাধিক টকা মূল্যৰ ড্ৰাগছ জব্দ কৰে ।
এক গোপন সূত্ৰৰ ভিত্তিত ৰঙিয়া ফাটেমা কনভেণ্ট স্কুলৰ সমুখত এখন AS 01 DW 0917 নম্বৰৰ বুলেট বাইকত আহি থকা এজন লোকক তালাচী চলাই ।
তালাচী চলাই আৰক্ষীয়ে লোক জনৰ পৰা 3তা চাবোনৰ বাকচত 35গ্ৰাম নিষিদ্ধ হেৰ’ইন উদ্ধাৰ কৰে ।
আটক হোৱা লোক জন হল ৰঙিয়া এক নং ৱাৰ্ডৰ নাজিবুল হক ।
অভিযানৰ সময়ত আৰক্ষীয়ে নগদ 7500 টকাসহ এটা মোবাইল হেণ্ডচেত জব্দ কৰে ।
আৰক্ষীয়ে জানিব দিয়ে যে ধৃত নাজিবুল হক ইতিমধ্যে 3বাৰ কৈ ড্ৰাগছৰ গোচৰত ৰঙাঘৰৰ আলহী হৈছে ।
