যোৰহাট সংসদীয় সমষ্টি জনপ্ৰিয় সাংসদ গৌৰৱ গগৈৰ আজি জন্মদিন।সেই লৈ যোৱাকালি গৌৰৱ গগৈ ফ্ৰেণ্ড ক্লাৱৰ সদস্যসকলে সমগ্ৰ যোৰহাট জিলাখনতে বিভিন্ন কাৰ্যসূচীৰ গ্ৰহণ কৰি দলীয় নেতাগৰাকীৰ জন্মদিন উদযাপন কৰিছে।
টীয়কৰ বলমা খেলপথাৰত ৰাইজৰ সহযগত গছপুলি ৰোপণ,ঐতিহাসিক বৰভেটি নামঘৰত চাফাই অভিযান,বন্তি প্ৰজ্বলন আদি বিভিন্ন কাৰ্যসূচীৰ পাছত টীয়কৰ ঐতিহাসিক মাধৱদেৱ প্ৰতিষ্ঠিত ঢেকীয়াখোৱা বৰনামঘৰ সকলো সদস্য উপস্থিত হৈ নেতাগৰাকীৰ সৰ্বমংগলৰ অৰ্থে চাকি,শৰাই আগবঢ়াই,নামঘৰ পৰিচালনা সমিতিৰ সহযোগত বিভিন্ন গছপুলি ৰোপনৰ ব্যৱস্থা কৰাৰ লগতে বৰনামঘৰলৈ অহা ভকত বৈষ্ণৱৰ বাবে বিশুদ্ধ খোৱাপানীৰ ব্যৱস্থা কৰে।উক্ত সমূহ কাৰ্যসূচীত জিলা কংগ্ৰেছৰ সভাপতি পুতুল বুঢ়াগোহাঁই,সাধাৰণ সম্পাদক ইন্দ্ৰজিত পেগু,অসম প্ৰদেশ কংগ্ৰেছৰ সম্পাদিকা পল্লবী গগৈ,মৰিয়নিৰ যুৱ নেতা লুহিত কোঁৱৰ,জিলাৰ প্ৰচাৰ সম্পাদক অভিজিত ফুকন, যুৱ কংগ্ৰেছৰ জিলাৰ সভাপতিকে প্ৰমুখ্য কৰি কলিয়াপানী আৰু চিপাহীখোলা ব্লক কংগ্ৰেছৰ যুৱ কংগ্ৰেছৰ সভাপতি ক্ৰমে অৰিন্দম তামুলী,উত্তৰন বুঢ়াগোহাঁইক ধৰি কেইবাগৰাকীও জিলা আৰু ব্লক পৰ্যায়ৰ জ্যেষ্ঠ নেতা- কৰ্মী উপস্থিত থাকি সহযোগিতা আগবঢ়ায়।
