এই তথ্য দেখাৰ পাছতেই আদালতে পতঞ্জলি সংস্থাক সতৰ্ক কৰি দিছে। ভৱিষ্যতে এই ধৰণৰ বিজ্ঞাপন পুনৰ প্ৰকাশ কৰিলে কমপক্ষেও এক কোটি টকা জৰিমনা বিহিব বুলিও জনাইছে আহছানউদ্দিন আমানুসল্লাহ আৰু ন্যায়াধীশ প্ৰশান্ত কুমাৰ মিশ্ৰৰ ডিভিজন বেঞ্চে। ইয়াৰ পাছতেই ভুৱা বিজ্ঞাপন বন্ধৰ বাবে নিৰ্দেশ প্ৰদান কৰিছে। ঘটনাৰ সূত্ৰপাত হৈছিল কভিড মহামাৰীৰ সময়তেই। সেই সময়ত কভিডৰ ভেকছিনক লৈ বিৰূপ মন্তব্য কৰিছিল পতঞ্জলিৰ প্ৰতিষ্ঠাতা ৰামদেৱে। ইয়াৰ সৈতে আধুনিক চিকিৎসা বিজ্ঞানক লৈয়ো বিৰূপ মন্তব্য কৰা দেখা গৈছিল ৰামদেৱক। এই সংস্থাই তৈয়াৰ কৰা ঔষধে কভিডৰ বিৰুদ্ধে যুদ্ধ কৰিবলৈকো সক্ষম বুলি দাবী কৰিছিল ৰামদেৱে।
