নগাঁৱত এদিনীয়া ভ্ৰমণসূচীৰে ৰাজ্যপাল জগদীশ মুখী । অংশ ল’লে মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ সমাৱৰ্তনত ।
এদিনীয়া ভ্ৰমণসূচীৰে বৃহস্পতিবাৰে নগাঁৱত উপস্থিত হ’ল ৰাজ্যপাল জগদীশ মুখী । নগাঁৱৰ মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ তৃতীয় সমাৱৰ্তনত অংশ লোৱাৰ উদ্দেশ্যেৰে নগাঁৱত উপস্থিত হয় ৰাজ্যপাল গৰাকী । নগাঁৱৰ খগেন মহন্ত প্ৰেক্ষাগৃহত অনুষ্ঠিত হোৱা এই সমাৱৰ্তনত ৰাজ্যপাল জগদীশ মুখীয়ে সভাপতিত্ব কৰাৰ লগতে ডিগ্ৰীসমূহো প্ৰদান কৰে । মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ উপাচাৰ্য ডঃ কন্দৰ্প কুমাৰ ডেকা , পঞ্জীয়ক ডঃ দিনমণি ঠাকুৰীয়া আদিকে ধৰি কেইবাগৰাকীও বিশিষ্ট ব্যক্তি উপস্থিত থকা এই সমাৱৰ্তনত মুখ্য অতিথি হিচাপে অংশগ্ৰহণ কৰে অধ্যাপক তথা সাহিত্যিক ডঃ নগেন শইকীয়াই ।
নগাঁৱৰ পৰা আদিল শ্বাহ গুৱাহাটী টাইমচ।
