নগাঁৱত অব্যাহত আছে চিলনী চোৰৰ সন্ত্ৰাস । এইবাৰ নগাঁৱৰ কৃষ্ণাহল চাৰিআলিৰ পৰা মটৰ চাইকেলত অহা দুই দুৰ্বৃত্তই এগৰাকী লোকৰ পৰা থপিয়াই নিয়ে এটা টকা ভৰ্ত্তি বেগ । জুৰীয়াৰ ফৰিদ উদ্দিন খান নামৰ লোকজনৰ পৰা এই বেগটো পালছাৰ বাইকত অহা দুই দুৰ্বৃত্তই কাঢ়ি নিয়ে । বেগটোত নগদ চল্লিশ হাজাৰ টকাৰ লগতে কিছু গুৰুত্বপূৰ্ণ নথি-পত্ৰও আছিল । ইতিমধ্যে ঘটনা সন্দৰ্ভত নগাঁও সদৰ থানাত এজাহাৰ দাখিল কৰিছে ফৰিদ উদ্দিন খানে । উল্লেখ্য যে , ইয়াৰ পূৰ্বেও নগাঁও চহৰত সংঘটিত হৈছে এনে বহুকেইটা ঘটনা ।
নগাঁৱৰ পৰা আদিল শ্বাহ।
