শাৰদীয় দূর্গা পূজাৰ আগতে ৰাজ্যত ক’ভিড ভেকচিন প্ৰথম পালি প্ৰদান সম্পূৰ্ণ হ’ব । যোৰহাটৰ আই এছ বিটিত যাত্ৰীৰ বাবে ভেকচিন কেন্দ্ৰ মুকলি, স্বাস্থ্য মন্ত্ৰীৰ । স্বাস্থ্য বিভাগে ‘ভ্ৰাম্যমাণ ক’ভিড প্ৰতিষেধক প্ৰদানকাৰী বাহন’ৰ জৰিয়তে ৰাজ্যখনৰ গাঁৱে-গাঁৱে, চুবুৰীয়ে চুবুৰীয়ে গৈ ১৮ বছৰৰ ঊৰ্দ্ধৰ সকলোকে ক’ভিড প্ৰতিষেধক দিয়াৰ বাবে বিশেষ পদক্ষেপ গ্ৰহণ কৰিছে ৷
ইতিমধ্যে, নামনি অসমৰ তিনিখন জিলাত এই অভিযান মুকলি কৰা হৈছে ৷ ১৩ ছেপ্তম্বৰ ২০২১, সোমবাৰে স্বাস্থ্যমন্ত্ৰী কেশৱ মহন্তই উজনি অসমৰ তিনিখন জিলা ক্ৰমে মাজুলী, শিৱসাগৰ আৰু যোৰহাটৰ বাবেও ভ্ৰাম্যমাণ ক’ভিড প্ৰতিষেধক প্ৰদানকাৰী বাহন’ৰ সেৱা আনুষ্ঠানিকভাৱে শুভাৰম্ভ কৰে ৷ যোৰহাটৰ আই এছ বি টি ৰ বাছ আস্থানত আয়োজিত এক অনুষ্ঠানত উজনিৰ এই তিনিখন জিলাত ক’ভিড প্ৰতিষেধক দিবলৈ ১৫ খন ‘মোবাইল ভেক্সিনেছন ভান’ৰ ফ্লেগ অফ কৰে স্বাস্থ্যমন্ত্ৰীগৰাকীয়ে । এই ‘মোবাইল ভেক্সিনেছন ভান’ খনে উজনিৰ উক্ত তিনিখন জিলাত চুবুৰীয়ে চুবুৰীয়ে প্ৰতিষেধক প্ৰদান কৰিব ৷
