নগাঁও জিলাৰ বেবেজীয়াৰ সমীপৰ ৰণথলীত সৰ্প দংশনত এজন ব্যক্তিৰ মৃত্যু হোৱা ঘটনাই অঞ্চলটোত শোকৰ ছাঁ পেলাইছে ৷ মৃত্যুক সাৱতি লোৱা ব্যক্তিজন হৈছে প্ৰদীপ বনিয়া(৩৪) ৷
মৃত বনিয়াৰ ঘৰ নগাঁও জিলাৰ ৰণথলি আদৰ্শ গাঁৱত ৷ জানিব পৰা মতে কালি বিয়লি প্ৰায় চাৰি বজাত প্ৰদীপ বনিয়াই ৰণথলি আদৰ্শ গাঁৱৰ সাপেখাতি বিলৰ পাৰলৈ গৈছিল ৷ ম’হ বিচাৰি বিলৰ পাৰলৈ যোৱা প্ৰদীপ বিলৰ পানীত নমাৰ পিছতে এক সাপে দংশন কৰে । পাছত লোকজনে কাষতে থকা লোকৰ সহায় বিছৰাত লগে লগে বনিয়াৰ ওচৰত উপস্হিত হৈ ঘৰলৈ লৈ আহে ৷ নিজা ঘৰত উপস্হিত হোৱাৰ পিছত বেছিকৈ অসুস্হ হৈ পৰাত পৰিয়ালৰ লোকে প্ৰদীপ বনিয়াক নগাঁও অসামৰিক চিকিৎসালয়ত ভৰ্তি কৰা হয় যদিও চিকিৎসালয়তে মৃত্যু হয় ৷ ঘটনাই তীব্ৰ চাঞ্চল্যৰ সৃষ্টি কৰিছে ।
ঋতু পৰ্ণ শৰ্মা,নগাঁও
