‘সাথ নিভানা সাথিয়া’ৰ গোপী বাহু ওৰফে দেৱোলীনা ভট্টাচাৰ্জীয়ে গোপনে বিয়া হোৱাৰ পিছৰে পৰা বাতৰিৰ শিৰোনাম দখল কৰি আহিছে। মানুহে তেওঁক অহৰহ টাৰ্গেট কৰি আছে। কেৱল এয়াই নহয়, কিছুমানে ধৰ্মৰ পাঠও শিকাইছে। কোনোৱে তেওঁক বলীউডৰ অভিনেত্ৰী আলিয়া ভাটৰ সৈতে তুলনা কৰি কয় যে গৰ্ভৱতী হোৱাৰ বাবেই তেওঁও এনেদৰে খৰখেদাকৈ বিয়া পাতিছিল।
‘ইটাইমছ’ৰ সৈতে এক সাক্ষাৎকাৰত দেৱলীনা ভট্টাজেজীয়ে কয়- “মই কাকো স্পষ্টীকৰণ দিয়াৰ প্ৰয়োজন নাই। মই আচৰিত হৈছো আৰু লগতে বেয়া লাগিছে এনে হাস্যকৰ মন্তব্য কৰা মানুহবোৰৰ বাবে।”
দেৱলীনাই আৰু কয় যে তেওঁ বৰ্তমান ব্যক্তিগত জীৱনত অতি ব্যস্ত, কিন্তু তেওঁ পুনৰ কামত যোগদান কৰিবলৈ সাজু। তেওঁ কয়, “কৰ্মৰ ক্ষেত্ৰত মই আপোচত বিশ্বাস নকৰো। মই এতিয়া নতুন নতুন প্ৰজেক্ট ল’বলৈ সাজু হৈছো। আৰু আশাকৰোঁ অতি সোনকালে কিবা এটা আকৰ্ষণীয় কাম দৰ্শকে চাবলৈ পাব। ২০২৩ বৰ্ষই আমাৰ সকলোৰে বাবে সুখ আৰু সমৃদ্ধি কঢ়িয়াই আনক তাৰেই প্ৰাৰ্থনা। আগন্তুক বছৰবোৰৰ প্ৰতি মোৰ বহুত আশা আছে। এইবাৰ মোৰ স্বাস্থ্যজনিত সমস্যাৰ বাবে কোনো নতুন কাম কৰিব নোৱাৰিলোঁ। কিন্তু এতিয়া মই সকলো ফিট আৰু ভাল হৈছো।
