আজি সন্ধিয়া প্ৰায় ৫ – ৪০ বজাত নাজিৰাৰ ৰজাপুলত এক ভয়ংকৰ পথ দূৰ্ঘটনা সংঘটিত হয় । এই দূৰ্ঘটনাত দুগৰাকী মহিলা সহ তিনিজন লোক গুৰুতৰ ভাৱে আহত হয় । ঘটনা মৰ্মে , নাজিৰা দিশৰ পৰা গৈ থকা এ এছ ২৩ কিউ ৩৯৯১ নম্বৰৰ ভান গাড়ীখনে বিপৰীত দিশৰ পৰা অহা এ এছ ০৪ ই ৭৬০০ অল্ট’গাড়ী খনত তীব্ৰ বেগত খুণ্ডা মাৰে । ফলত এল্ট’ খনৰ সন্মূখৰ চালকৰ ফালৰ চকা ফুটি বিপৰীত দিশত ঘূৰি যায় আৰু মাৰুতি গাড়ীখন সমীপৰ খাৱৈত সুমাই পৰে । এই দূৰ্ঘটনাত মাৰুতিৰ চালক মুকেশ মহান্তি সহ অনিতা ভট্টাচাৰ্য আৰু ৰুবী চক্ৰৱৰ্তী গুৰুতৰ ভাৱে আহত হয় । স্থানীয় ৰাইজ আৰু নাজিৰাৰ আৰক্ষীয়ে আহত তিনিওজনকে লিগিৰী পুখুৰীস্থ কৰ্মশ্ৰী হিতেশ্বৰ শইকীয়া সোঁৱৰণী মহকুমা চিকিৎসালয়ত ভৰ্তি কৰাই চিকিৎসাৰ ব্যৱস্থা কৰে ।
নাজিৰাৰ পৰা ৰঞ্জিত সভাপণ্ডিত ৰিপ’ৰ্ট
