শীতকাল হয়টো কিছুসংখ্যক লোকে ভাল পাব পাৰে, কিন্তু এই সময়ছোৱাত শিশুৰ স্বাস্থ্যৰ বিপদাশংকা বৃদ্ধি হয়। শিশুৰ ৰোগ প্ৰতিৰোধ প্ৰণালী প্ৰাপ্তবয়স্ক সকলতকৈ অলপ দুৰ্বল, সেয়েহে সিহঁতৰ ৰোগত আক্রান্ত হোৱাৰ সম্ভাৱনা অধিক।
শীতকালত শিশুক নিৰোগী কৰি ৰাখিবলৈ অভিভাৱকে অনুসৰণ কৰিবলগীয়া ৪ টা পৰামৰ্শঃ
শীতকালত, অভিভাৱকে সন্তানৰ বিশেষ যত্ন লোৱাটো অতিকৈ প্ৰয়োজনীয়, অন্যথা বিভিন্ন ৰোগে শিশুৰ যথেষ্ট ক্ষতি কৰিব পাৰে। ইয়াৰ বাবে অভিভাৱকসকলে জীৱনশৈলী আৰু কিছুমান অভ্যাস সলনি কৰি, এনে বিপদৰ পৰা সন্তানক সুৰক্ষিত কৰি ৰাখিব পাৰে।
১. নিয়মীয়াকৈ হাত ধুব
বেছিভাগ সংক্ৰমণ হাতৰ জৰিয়তে হয়। শিশুৱে সাধাৰণতে মাটি, পথৰ কাষত বা পাৰ্কত খেলা-ধুলা কৰে, যাৰ ফলত সংক্ৰমণৰ জৰিয়তে জ্বৰ হোৱাৰ আশংকা থাকে। শিশুৱে প্ৰায়ে শীতকালত পানীৰে হাত ধোৱাৰ পৰা আঁতৰি থাকে, সেয়েহে পিতৃ-মাতৃয়ে তেওঁলোকক হাত ধুবলৈ আৰু ৰোগৰ পৰা সুৰক্ষিত কৰিবলৈ অনুপ্ৰেৰিত কৰাটো গুৰুত্বপূৰ্ণ।
২. হেণ্ড চেনিটাইজাৰ ব্যৱহাৰ কৰক
যদিও আজিকালি ক’ভিডৰ পৰা সুৰক্ষিত হৈ থাকিবলৈ হেণ্ড চেনিটাইজাৰ যথেষ্ট ব্যৱহাৰ কৰা হৈছে, কিন্তু ইয়াৰ জৰিয়তে শীতকালীন ৰোগৰ পৰাও সুৰক্ষিত হৈ থাকিব পাৰি। এয়া সম্ভৱ যে শিশুৱে সঘনাই হাত ধোৱা পৰিহাৰ কৰে, এনে পৰিস্থিতিত, চেনিটাইজাৰ এক অন্যতম বিকল্প হিচাপে প্ৰমাণিত হ’ব পাৰে।
৩. শিশুসকলক সংক্ৰমিত ৰোগীৰ পৰা আঁতৰাই ৰাখিব
শীতকালত, সংক্ৰমিত ৰোগীৰ দ্বাৰা সংক্ৰমণৰ আশংকা যথেষ্ট বৃদ্ধি হয়, সেয়েহে যদি ঘৰৰ ভিতৰত এনেধৰণৰ কোনোবা ৰোগী আছে, তেনেহ’লে অভিভাৱকে সন্তানক সংক্ৰমিত ৰোগীৰ পৰা আঁতৰাই ৰাখিব। প্ৰায়ে দেখা যায় যে শিশুৱে ঘৰৰ সকলোৰে পৰা যথেষ্ট মৰম পাই আৰু ওচৰলৈ মঁতাৰ লগে লগে তেওঁলোকৰ ওচৰলৈও যায়, কিন্তু এনে সময়ত, অভিভাৱকে এঅ অভ্যাসবোৰ পৰিহাৰ কৰাটো উচিত।
৪. টিকাকৰণ কৰাটো নিশ্চিত কৰক
শিশুসকলক ৰোগৰ পৰা সুৰক্ষিত কৰাৰ দিশত টিকাকৰণ এক ডাঙৰ পদক্ষেপ। শিশুসকলক চিকিৎসকৰ পৰামৰ্শ অনুসৰি সঠিকভাৱে টিকাকৰণ কৰিব লাগে, বিশেষকৈ চৰ্দি আৰু ফ্লুৱে শিশুৰ যথেষ্ট ক্ষতি কৰিব পাৰে, কিন্তু টিকাকৰণ গ্ৰহণ কৰি এনে বিপদ হ্ৰাস কৰিব পাৰি।
বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত|
