ডায়েবেটিছ এনেকুৱা এক সমস্যা যাৰ বাবে দৃষ্টিশক্তি হেৰুৱা, বৃক্কৰ সমস্যা, হাৰ্ট এটেককে ধৰি বহুতো গুৰুতৰ ৰোগৰ আশংকা বৃদ্ধি পায়। এয়া আমাৰ কথা নহয়, বৰঞ্চ বিশ্ব স্বাস্থ্য সংস্থাৰ (WHO) প্ৰতিবেদনত উল্লেখ থকা কথা। এতিয়ালৈকে ডায়েবেটিছৰ কোনো স্থায়ী সমাধান পোৱা নাই। কিন্তু সুষম খাদ্য আৰু নিয়মীয়া ব্যায়ামৰ জৰিয়তে ডায়েবেটিছ নিয়ন্ত্ৰণ কৰিব পৰা যায়। বেছিভাগ ডায়েবেটিছ ৰোগীয়ে নিজৰ খাদ্যৰ যত্ন লয়, কিন্তু আটাইতকৈ গুৰুত্বপূৰ্ণ কথাটো পাহৰি যায়, সেয়া হ’ল ছালৰ যত্ন। এই অৱহেলা শীতকালত অতি গধুৰ হৈ পৰে। বহু সময়ত গৰম পানীৰে গা ধোৱাটোও ছালৰ বাবে ক্ষতিকাৰক বুলি প্ৰমাণিত হ’ব পাৰে। ডায়েবেটিছ ৰোগীৰ ছালৰ সমস্যাই হতাশা আৰু মানসিক চাপৰ দৰে অৱস্থাৰ সৃষ্টি কৰিব পাৰে।
১.ছালৰ সমস্যা বাঢ়িব পাৰেঃ
ডায়েবেটিছ ৰোগীয়ে ছালৰ লগত জড়িত বহু সমস্যাৰ সন্মুখীন হ’বলগীয়া হয়, যেনে- ছাল হালধীয়া হোৱা, ৰঙা পৰা, ছাল ফাটি যোৱা, ছালৰ সংক্ৰমণ, ছাল ক’লা হোৱা আদি। এনে পৰিস্থিতিত যদি শীতকালত গৰম পানীৰে গা ধুলে উষ্ণতা লাভ কৰিব ঠিকেই, কিন্তু ই ছালৰ এই সমস্যাবোৰ অধিক বৃদ্ধি কৰিব। এনে অৱস্থাত ঠাণ্ডা পানীৰে গা ধুবলৈ চেষ্টা কৰিব।
২. এইদৰে ছালৰ ক্ষতি হ’বঃ
শীতকালত দৈনিক গৰম পানীৰে গা ধুলে ছালৰ আৰ্দ্ৰতাৰ প্ৰাকৃতিক ভাৰসাম্য হেৰুৱাবলৈ আৰম্ভ কৰে। আপোনাৰ ছালখনক সুস্থ কৰি ৰখা প্ৰাকৃতিক তেল, চৰ্বি আৰু প্ৰটিনৰ ভাৰসাম্যও অৱনতি ঘটিবলৈ আৰম্ভ কৰে। এনে অৱস্থাত গৰম পানীৰে গা ধোৱাৰ পৰিৱৰ্তে কেৱল ঠাণ্ডা পানীৰে গা ধুব লাগে।
৩.স্নায়ুৰ ক্ষতিৰ আশংকাঃ
ডায়েবেটিছ ৰোগীয়ে শীতকালত গৰম পানীৰ বাথটাবত গা ধুলে স্নায়ুৰ ক্ষতি হোৱাৰ সম্ভাৱনা বৃদ্ধি পায়। ইয়াৰ ফলত তেওঁলোকৰ ভৰিৰ গৰম বা ঠাণ্ডা পানীৰ প্ৰতি সংবেদনশীলতা হ্ৰাস পাব পাৰে। এনেদৰে ভাবিব যে ভৰিৰ ছালত গৰম আৰু ঠাণ্ডাৰ অনুভৱ কমিবলৈ আৰম্ভ কৰিব। তেনে ক্ষেত্ৰত ভৰি গৰম পানীত ভৰাই দিলে স্কিন জ্বলিব পাৰে আৰু ফোহাও হ’ব পাৰে।
৪.গৰম পানীৰে গা ধোৱাৰ সময়ত নিজকে সুৰক্ষিত কৰকঃ
