মহাশিৱৰাত্ৰি হিন্দুসকলৰ আটাইতকৈ ডাঙৰ উৎসৱ। শিৱৰ ভক্তসকলৰ মাজত এই দিৱসৰ বিশেষ তাৎপৰ্য আছে। আজিৰ দিনটোত মহাদেৱ আৰু মাতৃ পাৰ্বতীক পূজা কৰা হয়। বিশ্বাস অনুসৰি মহাশিৱৰাত্ৰিৰ দিনা ব্ৰত পালন কৰি অবিবাহিত মহিলাসকলে সোনকালে বিবাহপাশত আবদ্ধ হয়। আনহাতে বিবাহিতা মহিলাসকলে স্বামীৰ সুখী জীৱনৰ বাবে মহাশিৱৰাত্ৰিৰ দিনা ব্ৰত ৰাখে।
মহাশিৱৰাত্ৰিৰ পূজাত ৰঙৰ বিশেষ গুৰুত্ব লোৱা হয়। এই দিনটোত কি ৰঙৰ কাপোৰ পৰিহাৰ কৰিব লাগে আৰু এই দিনটোত কি ৰঙৰ কাপোৰ পিন্ধি ভোলেনাথৰ আশীৰ্বাদ লাভ কৰিব পাৰি জানো আহক।
সেউজীয়া ৰং ভোলেনাথৰ প্ৰিয় ৰং বুলি ধৰা হয়। মহাশিৱৰাত্ৰিৰ দিনা সেউজীয়া ৰঙৰ কাপোৰ পিন্ধিব লাগে। ভাং আৰু ধতুৰা ভগৱান শংকৰৰ অতি প্ৰিয় আৰু ইয়াৰ ৰঙো সেউজীয়া। সেইবাবেই মহাশিৱৰাত্ৰিৰ দিনা সেউজীয়া কাপোৰ পিন্ধাটো শুভ বুলি গণ্য কৰা হয়। এই দিনটোত ক’লা ৰং পিন্ধিব নালাগে। ভগৱান শংকৰে ক’লা ৰং একেবাৰেই ভাল নাপায়। এই দিনটোত মহিলাসকলে ক’লা খাৰু আৰু ফোঁট লগাব নালাগে।
মহাশিৱৰাত্ৰিৰ দিনা সেউজীয়া ৰঙৰ কপাহী কাপোৰ পিন্ধি ভোলেনাথক পূজা কৰিব লাগে। সেউজীয়া কাপোৰ নাথাকিলে ৰঙা, বগা, হালধীয়া বা কমলা ৰঙৰ কাপোৰো পিন্ধিব পাৰে। এই দিনটোত মহিলাসকলে এই ৰঙৰ খাৰু আৰু ফোঁট লগাব লাগে।
