ৰাতিপুৱা সাৰ পোৱাৰ পিছত বেছিভাগ মানুহেই লগে লগে চাহ খোৱাৰ হেঁপাহ অনুভৱ কৰে। কিছুমানে কেৱল চাহ খাই ভাল পায়, আনহাতে কিছুমানে তাৰ লগতে বিস্কুটো বিচাৰে। প্ৰতিঘৰতে এনেকুৱা মানুহ দেখা পাব। হয়তো আপুনিও সেই মানুহৰ মাজৰ এজন, যিয়ে চাহৰ লগত বিস্কুট খাই ভাল পায়। কিন্তু ৰাতিপুৱা খালী পেটত চাহৰ লগত বিস্কুট খোৱাটোৱে আপোনাৰ কিমান ক্ষতি কৰিব পাৰে জানেনে?
খালী পেটত চাহ-বিস্কুট সেৱন কৰাটো আপোনাৰ বাবে ক্ষতিকাৰক বুলি প্ৰমাণিত হ’ব পাৰে। আপুনি হয়তো ক্ষন্তেক সময়ৰ বাবে শক্তি অনুভৱ কৰিব পাৰে আৰু ভৰপূৰ অনুভৱ কৰিব পাৰে, কিন্তু এই সংমিশ্ৰণে দীৰ্ঘম্যাদীভাৱে আপোনাৰ বাবে বিপজ্জনক বুলি প্ৰমাণিত হ’ব। শেহতীয়াকৈ ডায়েটিচিয়ান মনপ্ৰীত কালৰাই ইনষ্টাগ্ৰামত এই কম্বিনেচনৰ সৈতে জড়িত বহু ভয়ংকৰ গোপন কথা প্ৰকাশ কৰিছে। তেওঁ কয় যে সোৱাদযুক্ত দেখা সংমিশ্ৰণ ‘চাহ-বিস্কুট’ স্বাস্থ্যৰ বাবে কিয় ক্ষতিকাৰক?
মনপ্ৰীতে কয় যে এই খাদ্যৰ সংমিশ্ৰণে পেটৰ চৰ্বি, এচিডিটি, ইনচুলিন প্ৰতিৰোধ ক্ষমতা আৰু পেটৰ লগত জড়িত বহু সমস্যাৰ সৃষ্টি কৰিব পাৰে। যদি আপোনাৰ খালী পেটত চাহ খোৱাৰ অভ্যাস আছে, তেন্তে আপুনি আপোনাৰ পাচনতন্ত্ৰত ব্যাঘাত জন্মোৱাৰ আশংকা আছে। এই সংমিশ্ৰণে আপোনাক কোষ্ঠকাঠিন্যৰ গুৰুতৰ সমস্যাৰ সৃষ্টি কৰিব পাৰে। খাদ্য বিশেষজ্ঞৰ মতে, চাহ-বিস্কুটৰ সংমিশ্ৰণে আইৰণ আৰু অন্যান্য প্ৰয়োজনীয় পুষ্টিকৰ পদাৰ্থ শোষণত বেয়া প্ৰভাৱ পেলায় বুলিও বিশ্বাস কৰা হয়। বিস্কুটৰ লগত মিহলি হ’লে চাহৰ শৰীৰত প্ৰভাৱ আৰু বাঢ়ি যায় আৰু ইয়াৰ কাৰণ হ’ল বিস্কুটত থকা চেনিৰ পৰিমাণ।
বিস্কুটত ঘেঁহুৰ আটা আৰু সংপৃক্ত চৰ্বিৰ লগতে প্ৰচেছড চেনি থাকে। এই মৌলবোৰে এচিডিটি বৃদ্ধিৰ কাম কৰে। সেইবাবেই ৰাতিপুৱা খালী পেটত বিস্কুট আৰু চাহৰ সংমিশ্ৰণ পৰিহাৰ কৰিব লাগে। যদি আপুনি ৰাতিপুৱা খালী পেটত কিবা এটা খাব বিচাৰে তেন্তে এই ৫ টা বস্তু আপোনাৰ ৰুটিনত অন্তৰ্ভুক্ত কৰিব পাৰে।
১/ ঠাণ্ডা পানী
২) ধনীয়া গুটিৰ পানী
৩/ এলোভেৰাৰ ৰস
৪) ডালচেনিৰ সৈতে নাৰিকল পানী
৫) হালিম গুটিৰ সৈতে নাৰিকল পানী
