ৰঙিয়াত চাঞ্চল্যকৰ ঘটনা । ৰেলপথত উদ্ধাৰ অৱসৰী শিক্ষকৰ মৃতদেহ । ৰঙিয়াৰ বৰলীয়া নৈৰ ওপৰত থকা ৰেলৰ দলঙৰ সমীপত উদ্ধাৰ হোৱা শিক্ষক জন হৈছে প্ৰমোদ কলিতা (৬২)। ৰঙিয়া আৰিমত্ত বিদ্যাপীঠৰ পৰা অৱসৰ লোৱা কৃতি শিক্ষক প্ৰমোদ কলিতাৰ ঘৰ ৰঙিয়াৰ ৫নং ৱাৰ্ডত । মূৰ ,ভৰিত আঘাত প্ৰাপ্ত শিক্ষক জনৰ মৃতদেহ ৰঙিয়া জিআৰপিয়ে নিশা থানালৈ লৈ আহে । কৃতি শিক্ষক তথা বিশিষ্ট সমাজ কৰ্মীজনৰ মৃত্যু ৰেল পথ পাৰ হওতেই হ’লনে , নে আত্মহত্যা কৰিলে সেয়া অদ্যাপি নিশ্চিত তথ্য লাভ কৰিব পৰা নাই ।ৰেল আৰক্ষীয়ে দুৰ্ঘটনাটোক আত্মহত্যাৰ সন্দেহ প্ৰকাশ কৰিছে । অসম সাহিত্য সভাৰ অন্যতম শাখা ৰঙিয়া আলোচনী সভাৰ প্ৰাক্তন সম্পাদক প্ৰমোদ কলিতাৰ মৃত্যুত ৰঙিয়াৰ বিভিন্ন দল -সংগঠন তথা আৰিমত্ত বিদ্যালয়ৰ ছাত্র-ছাত্ৰীসকলে শোক প্ৰকাশ কৰিছে । মৃত্যুৰ সময়ত বিশিষ্ট লোকজনে পত্নীৰ লগতে একমাত্ৰ কন্যাক এৰি থৈ যায় ।
