বতৰ বিজ্ঞান কেন্দ্ৰৰ আগলি বতৰা অনুসৰি আগন্তুক দুদিনত অসম, অৰুণাচল প্ৰদেশ, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাৰ বেছিভাগ ঠাইতে পাতলীয়া আৰু মধ্যমীয়া বৰষুণ হোৱাৰ সম্ভাৱনা আছে ৷ বৰষুণৰ সমান্তৰালকৈ অসম আৰু অৰুণাচল প্ৰদেশৰ বিভিন্ন স্থানত বজ্ৰপাতৰ সম্ভাৱনাৰ কথাও ব্যক্ত কৰিছে বতৰ বিজ্ঞান কেন্দ্ৰই ।
আনহাতে মঙলবাৰৰ দিনটোত অসম, অৰুণাচল প্ৰদেশ আৰু মেঘালয়ত ধাৰাসাৰ বৰষুণ হোৱাৰ সম্ভাৱনাৰ কথা বতৰ বিজ্ঞান কেন্দ্ৰৰ জাননীত উল্লেখ কৰা হৈছে ৷ গুৱাহাটীস্থ আঞ্চলিক বতৰ বিজ্ঞান কেন্দ্ৰৰ বিজ্ঞানী সঞ্জয় নীল শ্ব’য়ে জানিবলৈ দিয়ে যে আগন্তুক দুদিনত গুৱাহাটীৰ লগতে কাষৰীয়া অঞ্চলসমূহত বতৰ ডাৱৰীয়া হৈ থাকিব ৷
