সকলোৱে জানে যে অতীতৰ কথাবোৰ বেছিভাগ লোকৰ বাবে যথেষ্ট বিভ্ৰান্তিকৰ হ’ব পাৰে। আনহাতে এই বস্তুবোৰৰ কিছুমানে নষ্টালজিয়া আৰু আসক্তিৰ অনুভূতি জাগ্ৰত কৰিব পাৰে। অতীতৰ কিছুমান বিশেষ বস্তুৱে আমাক এক ৰোমাঞ্চকৰ অনুভূতি প্ৰদান কৰে আৰু আগৰ সময়ত মানুহে কেনেদৰে জীয়াই আছিল আৰু ভাবিছিল সেইবোৰ জনাত সহায় কৰে। শেহতীয়াকৈ, লেখিকা ইৰা মুখোটিয়ে বংগৰ প্ৰথম গভৰ্ণৰ জেনেৰেল ৱাৰেন হেষ্টিংছৰ ব্যক্তিগত ডায়েৰীৰ পৰা এটা কাবাব ৰেচিপিৰ পুৰণি ফটো শ্বেয়াৰ কৰিছে।
ইৰাই টুইটাৰত কাবাবৰ ৰেচিপিৰ এখন ফটো শ্বেয়াৰ কৰিছে। য’ত কাবাবৰ বাবে কিমা মাংস, নহৰু, জলকীয়া, কণীৰ কুহুম, ক্ৰীম আৰু বহুতো সামগ্ৰীৰ তথ্য সন্নিবিষ্ট কৰা আছে। ৱাৰেন হেষ্টিংছে ব্যঞ্জনটো তৈয়াৰ কৰাৰ প্ৰক্ৰিয়াটোও উল্লেখ কৰিছে। এই সন্দৰ্ভত ইৰাই টুইটযোগে লিখিছে যে, “হেষ্টিংছে ১৭৮৪ চনৰ জুলাই মাহত লক্ষ্ণৌত নৱাব আচাফৰ সংগ উপভোগ কৰি থকা সময়ত, কাবাব বনাবলৈ শিকিছিল।”
