শেহতীয়াকৈ বিবাহত বহা অসমৰ জনপ্ৰিয় কণ্ঠশিল্পী আচুৰ্য বৰপাত্ৰ পুনৰ এবাৰ সংবাদ শিৰোনাম দখল কৰিছে। এইবাৰ অৱশ্যে কোনো গীতক লৈ নহয়, তেওঁ কোনো ৰাজনৈতিক দলত যোগদান কৰা সন্দৰ্ভত হে!
একাংশ সংবাদ মাধ্যমত কণ্ঠশিল্পীগৰাকীক লৈ চলিছিল এটা গোজৱ! কণ্ঠশিল্পীগৰাকী কোনো ৰাজনৈতিক দলত যোগদান কৰা পূৰ্ণ সম্ভাৱণা বুলি চলা এই বাতৰিক একপ্ৰকাৰে আজি তেওঁ নিজে ভিত্তিহীন বুলি উল্লেখ কৰিছে। যাৰ পাছতে এতিয়া তেওঁৰ এই ফেচবুক পোষ্টে তোলপাৰ লাগিছে।
ফেচবুক পোষ্টটোত তেওঁ লিখিছে- “মই কোনো ৰাজনৈতিক দলত যোগদান কৰাৰ কথা সম্পূৰ্ণ ভিত্তিহীন।
মোক গানৰ আচুৰ্য বৰপাত্ৰ হৈয়ে থাকিবলৈ দিয়ক। মোৰ সিদ্ধান্ত মই নিজে নজনাকৈয়ে ৰাইজৰ মাজত কৈ খোকোজা নলগাব। ৰাইজৰ প্ৰতি মোৰ শ্ৰদ্ধা আছে। ৰাইজে মোৰ গানক দিয়া মৰমৰ ওচৰত মই চিৰকৃতজ্ঞ। অনুগ্ৰহ কৰি ভুল কথাবোৰক প্ৰচাৰ নকৰিব। কাতৰ অনুৰোধ। গানৰ হৈ থাকিবলৈ দিয়ক,গান গাবলৈ দিয়ক।”
উল্লেখ্য যে ১৫ বছৰীয়া প্ৰেমৰ অন্তত হোমৰ অগ্নিক সাক্ষী কৰি বিবাহ পাশত আৱদ্ধ হয় জনপ্ৰিয় কণ্ঠশিল্পী আচুৰ্য বৰপাত্ৰ। ৰামচন্দ্ৰ হৈ দেৰগাঁৱৰ মিনাক্ষী বৰঠাকুৰৰ সৈতে যুগ্ম জীৱনৰ পাতনি মেলিলে আচুৰ্যই।
