ফুটবলাৰ ক্রিষ্টিয়ানো ৰ’নাল্ডোৰ সৈতে যৌন সম্পর্ক হোৱা বুলি দাবী কৰিছে ছিলিৰ মডেল ডেনিয়েলা ছাভেচে৷ তেওঁৰ হাতত হেনো এই ঘটনাৰ ভিডিঅ’ও আছে৷ আনকি লিঅ’নেল মেছিৰ বিৰুদ্ধেও অভিযোগ আনিছে ডেনিয়েলাই৷ পোনপটীয়াকৈ মেছিৰ নাম নক’লেও ইংগিতেৰে তেওঁ দাবী কৰিছে অন্য এগৰাকী মহিলাৰ সৈতে সম্পর্ক আছিল লিঅ’ৰ৷
টুইটত নিজৰ কথা ব্যক্ত কৰিছে ডেনিয়েলাই৷ সেই টুইটত ৰ’নাল্ডোকো টেগ কৰিছে তেওঁ৷ ডেনিয়েলাই লিখিছে– যদি নিজৰ সংগীৰ বাহিৰে আন পুৰুষৰ সৈতে যৌন সম্পর্ক হয়, যি উদাৰ মানসিকতাৰ আৰু তেওঁৰ কোনো দাবী নাই, তেনেহ’লে তাক প্রতাৰণা বুলি ক’ব নোৱাৰি৷ এয়া কেৱল যৌন সম্পর্কৰ বাহিৰে আন একো নহয়৷ ৰ’নাল্ডোৰ সৈতে মোৰ যৌন সম্পর্ক হৈছে৷ অৱশ্যে কেতিয়া আৰু কি পৰিস্থিতিত এই সম্পর্ক হৈছিল, সেই বিষয়ে স্পষ্টকৈ লিখা নাই ডেনিয়েলাই৷
অৱশ্যে তেওঁ জনাইছে যে ৰ’নাল্ডোৰ সৈতে কটোৱা বিশেষ মুহূর্তৰ ভিডিঅ’ তেওঁৰ হাতত আছে৷ কিন্তু সেই ভিডিঅ’ তেওঁ কাকো দেখুৱাব বিচৰা নাই৷ কাৰণ প্রত্যেকৰে জীৱনৰ গোপনীয়তা থাকে৷ ডেনিয়েলাই লগতে কয় যে তেওঁ এনে এগৰাকী মহিলাক চিনি পায়, যাৰ সৈতে আর্জেণ্টিনাৰ বিখ্যাত ১০ নম্বৰ জার্ছীধাৰীৰ প্রেমৰ সম্পর্ক আছে৷ জার্ছী নম্বৰ উল্লেখ কৰি তেওঁ নিশ্চিতভাৱেই মেছিৰ কথা ক’ব বিচাৰিছে৷
