গোটেই দিনটোৰ ভাগৰ দূৰ কৰিবলৈ স্নান কৰাটো অতি কাৰ্যকৰী। স্নান কৰিলে ভাগৰ আঁতৰ হয় আৰু সতেজ অনুভৱ হয়। ই শৰীৰ পৰিষ্কাৰ কৰে আৰু মানুহক বহুতো ৰোগৰ পৰা আঁতৰাই ৰাখে। কিন্তু প্ৰায়ে মানুহে স্নান কৰাৰ পিছত এনে কিছুমান ভুল কৰে, যিয়ে কেৱল চুলিৰ ক্ষতি কৰাৰ লগতে ছালৰ বিভিন্ন ধৰণে ক্ষতি কৰে।
• স্নান কৰাৰ পিছত এই ভুলবোৰ নকৰিব
~ স্নান কৰাৰ পিছত চুলিত কাপোৰ মেৰিয়াই ৰখা
স্নান কৰাৰ পিছত কাপোৰ এখন মেৰিয়াই ৰখাটো চুলিৰ বাবে অতি ক্ষতিকাৰক। যেতিয়া মানুহে স্নান কৰাৰ পিছত কাপোৰ এখনেৰে চুলিখিনি মেৰিয়াই ৰাখে, তেতিয়া চুলিৰ যথেষ্ট ক্ষতি হয়। এনে কৰিলে মানুহৰ চুলিৰ গুৰি দুৰ্বল হয়। সেয়েহ স্নান কৰাৰ পিছত কোনো ধৰণৰ কাপোৰ মেৰিয়াই নাৰাখি ইয়াক প্ৰাকৃতিকভাৱে শুকাবলৈ দিয়ক।
~ কাপোৰেৰে মুখ মচি থকা
প্ৰায়ে যেতিয়া মানুহে স্নান কৰি আহে, তেওঁলোকে মুখত থকা পানী শুকুৱাবলৈ বা মচিবলৈ কাপোৰখনেৰে অনবৰতে মুখখন মচি থাকে, যি ছাল ক্ষতিগ্ৰস্ত কৰে। সেয়েহে, কাপোৰখনেৰে মুখত মচি থকাৰ পৰিৱৰ্তে লাহে লাহে টুকি মুখখন শুকুৱাওক।
~ তিতা চুলি ফনিয়াই থকা
বহুলোকে স্নান কৰি অহাৰ পিছত চুলি ফনিয়াবলৈ আৰম্ভ কৰে, এনেদৰে চুলি স্থিৰ কৰাটো সহজ বুলি বহু লোকৰ ধাৰণা আছে। কিন্তু এইটো একেবাৰে নহয়। এনে কৰিলে চুলিৰ ক্ষতি হোৱাৰ লগতে চুলি সৰাও আৰম্ভ হ’ব পাৰে। সেয়েহে, তিতা চুলি কেতিয়াও ফনিয়াব নালাগে।
~ কেৱল মুখমণ্ডল ময়েশ্চাৰাইজ কৰা
প্ৰায় সকলোৱে স্নান কৰাৰ পিছত নিজৰ মুখখন ময়েশ্চাৰাইজ কৰি ৰাখিবলৈ যত্ন লওঁ কিন্তু শৰীৰৰ বাকী অংশক আৰ্দ্ৰ নকৰোঁ। স্নান কৰাৰ পিছত, মানুহৰ গোটেই শৰীৰ শুকান হৈ পৰে, সেয়েহে মুখৰ সৈতে গোটেই শৰীৰটো আৰ্দ্ৰ কৰাটো গুৰুত্বপূৰ্ণ। ইয়াৰ বাবে নাৰিকলৰ তেল ব্যৱহাৰ কৰিব পাৰে।
