হাড় হৈছে শৰীৰৰ বাবে এক গুৰুত্বপূৰ্ণ প্ৰণালী। শৰীৰক এক গাঁথনি প্ৰদান কৰাৰ লগতে, পেশীবোৰক সঠিক স্থানত ধৰি ৰাখিবলৈ হাড়ে এক গুৰুত্বপূৰ্ণ ভূমিকা পালন কৰে। যদি কাৰোবাৰ হাড় দূৰ্বল হয়, তেতিয়া তীব্ৰ বিষ হোৱাই নহয়, বৰঞ্চ আনবহুটো সমস্যা আগুৰি ধৰিব পাৰে। সেইকাৰণে সকলোৱে নিজৰ হাড়ৰ বিশেষ যত্ন ল’ব লাগে। একে সময়তে, কেতিয়াবা কিছুমান ভুলৰ বাবে, মানুহৰ হাড় দুৰ্বল হৈ পৰিব পাৰে।
হাড় দুৰ্বল নহ’বলৈ ত্যাগ কৰিব লগা বেয়া অভ্যাসবোৰঃ
~ পৰ্যাপ্ত সূৰ্যৰ তাপ নোলোৱা
কিছুমান লোকে তেওঁলোকৰ বেছিভাগ সময় ঘৰৰ ভিতৰত অতিবাহিত কৰে যাৰ বাবে তেওঁলোকে পৰ্যাপ্ত ভিটামিন ডি নাপায়। ই হাড়ৰ স্বাস্থ্যৰ বাবে ভাল নহয়। ভিটামিন ডি-ৰ অভাৱৰ বাবে, হাড়বোৰে সঠিকভাৱে কেলচিয়াম নাপায়। সেয়েহে, আহাৰত ভিটামিন ডি সম্পৰ্কীয় বস্তু অন্তৰ্ভুক্ত কৰা উচিত বা দৈনিক ৩০ মিনিট সূৰ্যৰ পোহৰ লওঁক।
~ দীঘলীয়া সময় ধৰি বহি থকা
কিছুমান লোকে একেৰাহে ঘন্টাৰ পিছত ঘণ্টা একে স্থানত বহি থাকে, এনে কৰিলে হাড় ক্ষতিগ্ৰস্ত হয় কিয়নো স্বাস্থ্যকৰ হাড়ৰ বাবে চলাচল কৰি থকাটো প্ৰয়োজনীয়। সেয়েহে, দৈনিক ব্যায়াম কৰাৰ লগতে এটা ঠাইত ঘণ্টাৰ বাবে বহি থকা পৰিহাৰ কৰিব।
~ অত্যাধিক নিমখ খোৱা
ছডিয়াম শৰীৰৰ বাবে অতি গুৰুত্বপূৰ্ণ। একে সময়তে, নিমখত যথেষ্ট ছডিয়াম থাকে, কিন্তু কমসংখ্যক লোকেহে জানে যে অধিক নিমখ খোৱাৰ ফলত হাড় দুৰ্বল হ’বলৈ আৰম্ভ কৰে। সেয়েহে, নিমখ খোৱাটো কমাব লাগে।
~ শীতল পানীয় খোৱা
বেছিভাগ লোকে শীতল পানীয় খাবলৈ ভাল পায়, কিন্তু শীতল পানীয় বেছিকৈ খালে হাড় দূৰ্বল হ’ব পাৰে।
