বৃহস্পতিবাৰে মাৰ্ঘেৰিটা থানাৰ অন্তৰ্গত লামাগাৱত বুঢ়ীদিহিং নদীত দুটিকৈ শিশুৰ সলিল সমাধি ঘটে। মাকুম বাগান বিদ্যালয়ত প্ৰথম আৰু দ্বিতীয় শ্ৰেণীত অধ্যয়নৰত আছিল শিশু দুটি। মাকুম বাগান ৬ নম্বৰ লাইনৰ বাসিন্দা দুৰূপ তাঁতিৰ পুত্ৰ ডিৰাছ তাঁতি (৮) আৰু গপি দুৰ্গাৰ পুত্ৰ অৰ্জুন চামাচি (৮) য়ে বিদ্যালয়ৰ পৰা আহি বৃহস্পতিবাৰে বুঢ়ীদিহিং নদীলৈ বুলি গা ধুবলৈ বুলি গৈছিল আৰু তেতিয়াই দ পানীত সোমাই কৰুণ মৃত্যুক আকোৱালি লয় শিশু দুটিয়ে।
পাছত বহু সময় ঘৰলৈ নহাত বিছাৰ-খোছাৰ কৰি মৃত অৱস্থাত পানীত দেখা পাই মাৰ্ঘেৰিটা থানাত খবৰ দিয়ে । আৰক্ষীৰ লোক উপস্থিত হৈ শিশু দুটিক নিশা উদ্ধাৰ কৰি থানালৈ লৈ আনে।
শুকুৰবাৰে মাৰ্ঘেৰিটা আৰক্ষীয়ে কণমানি শিশু দুটিৰ মৃতদেহ মৰণোত্তৰ পৰিক্ষাৰ ব্যৱস্থা কৰিছে । কৰুণ ঘটনাটোৱে অঞ্চলটোত শোকৰ ছাঁ পেলাইছে।
